Patan: ખેતરમાં ધમધમતી નકલી વિદેશી દારૂ બનાવતી ફેક્ટરીનો પર્દાફાશ, આટલો મુદ્દામાલ કરાયો જપ્ત

ખેતરની ઓરડીમાં ધમધમતી હતી દારૂ ફેક્ટરી

પોલીસ ટીમે તરત જ જાસ્કા ગામના એક ખેતરની ઓરડીમાં દરોડો પાડી આ સમગ્ર કૌભાંડ પકડી પાડ્યું હતું. અહીં જાણીતી વિદેશી બ્રાન્ડના નામે નકલી દારૂ બનાવવામાં આવતો હતો. પોલીસે ઘટના સ્થળેથી મોટી માત્રામાં દારૂની બોટલો અને બનાવટી સ્ટીકરો જપ્ત કરી કુલ 77,100 રૂપિયાનો મુદ્દામાલ કબજે કર્યો છે.

3 આરોપીની ધરપકડ

આ રેડ દરમિયાન પોલીસે નકલી ફેક્ટરી ચલાવતા ત્રણ આરોપીઓને રંગેહાથ ઝડપી પાડ્યા છે. જેમાં ભરતસિંહ રાઠોડ (રહે. જાસ્કા, તા. હારીજ), ચાંપરાજ સોમભાઇ કાઠી (રહે. વિરમગામ) અને કુવરસિંહ રાઠોડની અટકાયત કરવામાં આવી છે. તપાસમાં બહાર આવ્યું છે કે રાજસ્થાન (Rajasthan) નો શિવરાજ મારવાડી આ નેટવર્કનો મુખ્ય સૂત્રધાર છે, જેને પોલીસે વોન્ટેડ જાહેર કરીને આગળની તપાસ હાથ ધરી છે. પોલીસ હવે આ દારૂનું નેટવર્ક ક્યાં સુધી ફેલાયેલું છે અને અગાઉ કેટલો દારૂ વેચાયો છે, તે દિશામાં સઘન તપાસ કરી રહી છે.

આ પણ વાંચોઃ Amreli: ખાંભામાં પોલીસની મોટી કાર્યવાહી, દેશી બનાવટની પિસ્ટલ સાથે મધ્યપ્રદેશના શખ્સને પકડ્યો