આ કડક નિર્ણય આગામી શૈક્ષણિક વર્ષ 2026-27થી સત્તાવાર રીતે અમલમાં આવશે. યુનિવર્સિટી દ્વારા આ અસરગ્રસ્ત કોલેજોમાં નવા એડમિશન પ્રક્રિયા પર પણ સંપૂર્ણ પ્રતિબંધ લાદી દેવામાં આવ્યો છે. કોલેજોના વહીવટી અને શૈક્ષણિક સંચાલનમાં ગંભીર અનિયમિતતાઓ સામે આવ્યા બાદ આ આકરી કાર્યવાહી કરવામાં આવી છે.
હાઈ-લેવલ કમિટીની ભલામણ: નામચીન કોલેજો અને અભ્યાસક્રમો નિર્ણયની ઝપેટમાં
યુનિવર્સિટીના સુત્રોના જણાવ્યા અનુસાર, આ નિર્ણય અચાનક નથી લેવાયો પરંતુ એક ઉચ્ચ કક્ષાની સમિતિ (High-Level Committee) ની તપાસ અને ભલામણો બાદ, બોર્ડ ઓફ મેનેજમેન્ટ (Board of Management) ના ખાસ ઠરાવના આધારે લેવામાં આવ્યો છે. જોડાણ રદ થનારી સંસ્થાઓમાં ચાણસ્મા (Chanasma) ના મીઠાઘરવા સ્થિત ઉમિયા કોલેજ ઓફ એજ્યુકેશન (Umiya College of Education) ના બી.એડ. અભ્યાસક્રમનો સમાવેશ થાય છે.
આ ઉપરાંત, મહેસાણાના જોટાણા (Jotana) ની સંસ્કાર બી.એડ. કોલેજ (Sanskar B.Ed. College) નું જોડાણ પણ કાયમી ધોરણે રદ કરાયું છે. જ્યારે કડી (Kadi) ના કલ્યાણપુરા સ્થિત બી.એડ., એમ.એડ. (M.Ed.), બી.બી.એ. (BBA) અને બી.સી.એ. (BCA) કોલેજો તેમજ શ્રી હરિ એમ.એસસી. (M.Sc.) અને ડી.એચ.એસ.આઈ કોલેજ પણ આ નિર્ણયની ઝપેટમાં આવી ગઈ છે.
વિદ્યાર્થીઓનું ભવિષ્ય સુરક્ષિત રાખવા ખાસ આયોજન: સત્તાવાર જાહેરનામું બહાર પડાયું
યુનિવર્સિટી દ્વારા લેવાયેલા આ કડક પગલાના કારણે સેંકડો વિદ્યાર્થીઓના ભવિષ્ય પર સવાલો ઊભા ન થાય તે માટે વહીવટી તંત્રે આગોતરી વ્યવસ્થા કરી લીધી છે. HNGU એ સ્પષ્ટતા કરી છે કે ચાલુ વિદ્યાર્થીઓના શિક્ષણને કોઈ પણ પ્રકારની નકારાત્મક અસર નહીં થવા દેવાય. આ માટે નજીકની સંલગ્ન કોલેજોમાં વિશેષ અથવા વધારાની બેઠકોની ફાળવણી કરીને વિદ્યાર્થીઓને પ્રવેશ આપવામાં આવશે. યુનિવર્સિટીએ આ અંગેનું સત્તાવાર જાહેરનામું બહાર પાડીને નિર્ણયનો તાત્કાલિક અમલ શરૂ કરી દીધો છે, જેનાથી ઉત્તર ગુજરાતના શૈક્ષણિક આલમમાં ભારે હડકંપ મચી ગયો છે.
આ પણ વાંચો: ખેડૂતો માટે ખુશખબર: ડિજિટલ ડેટા એક્ટથી બદલાશે ખેતીનું ભવિષ્ય, સરકારી સહાય મળશે સુપરફાસ્ટ
