Patan Firing Case: ભેંસોના વેપારીની હત્યા કરનાર 4 શખ્સો ઝડપાયા, 2 હજુ ફરાર, જાણો સમગ્ર મામલો

Patan Firing Case: ભેંસોના વેપારી પર કર્યું હતુ ફાયરિંગ

ગઈ 12 માર્ચના રોજ પાટણ (Patan) શહેરના હાર્દ સમાન નીલમ સિનેમા (Nilam Cinema) વિસ્તારમાં સામાન્ય દિવસની જેમ અવરજવર ચાલુ હતી. તે સમયે અચાનક ફાયરિંગના અવાજથી સમગ્ર બજાર ધ્રૂજી ઉઠ્યું હતું. હુમલાખોરોએ 50 વર્ષીય યુસુફ ખાન ચાંદખાન (Yusuf Khan Chandkhan) ને નિશાન બનાવીને બે રાઉન્ડ ફાયરિંગ કર્યું હતું. યુસુફ ખાન મુખ્યત્વે ભેંસોના વેપાર (Buffalo Trading) સાથે સંકળાયેલા હતા. ભરબજારમાં થયેલા આ હુમલામાં યુસુફ ખાનને ગંભીર ઈજાઓ પહોંચતા તેમનું ઘટનાસ્થળે જ કરુણ મોત નીપજ્યું હતું.જાણવા મળ્યું હતુ કે વ્યવસાયિક જૂની અદાવતમાં આ ફાયરિંગ કરવામાં આવ્યું હતુ.

આ પણ વાંચોઃ Patan: ધોળા દિવસે નિલમ સીનેમા વિસ્તારમાં ફાયરિંગ, 50 વર્ષિય પશુ વેપારીનું મોત

Patan Firing Case: હોસ્પિટલમાં તણાવ અને પરિવારનો વિરોધ

ઘટના બાદ મૃતક યુસુફ ખાન (Yusuf Khan) ના મૃતદેહને તાત્કાલિક પોસ્ટમોર્ટમ (Post-Mortem) માટે પાટણની સિવિલ હોસ્પિટલ (Civil Hospital, Patan) ખાતે ખસેડવામાં આવ્યો હતો. જોકે, આરોપીઓ પકડાય નહીં ત્યાં સુધી પરિવારજનોએ મૃતદેહ સ્વીકારવાનો ઇનકાર કરી દીધો હતો. 24 કલાક વીતવા છતાં ધરપકડ ન થતા ધારપુર સિવિલ હોસ્પિટલ (Dharpur Civil Hospital) ખાતે મોટી સંખ્યામાં સમાજના લોકો એકઠા થયા હતા, જેના કારણે હોસ્પિટલ પરિસરમાં ભારે તણાવભર્યું વાતાવરણ સર્જાયું હતું. પરિવારજનોએ પોલીસ પાસે કડક ન્યાયની માંગ કરી હતી.

પાટણ ફાયરિંગ અને હત્યા કેસમાં પોલીસને મોટી સફળતા
મુખ્ય આરોપી ઝહીર ઉર્ફે ખોખરા સહિત 4 શખ્સોની ધરપકડ
ગણતરીના દિવસોમાં જ LCBએ આરોપીઓને દબોચ્યા
ભેંસોના વેપારીની હત્યામાં વપરાયેલી કાર સહિતનો મુદ્દામાલ જપ્ત
કુખ્યાત શૂટર ઝહીર ખાન વિરુદ્ધ અગાઉ 10થી વધુ ગુના નોંધાયેલ
હજુ પણ અન્ય બે ફરાર… pic.twitter.com/7ndaV3JBtl

— Gujarat First (@GujaratFirst) March 15, 2026

પોલીસની કાર્યવાહી અને આરોપીઓની ધરપકડ

સ્થિતિની ગંભીરતાને જોતા પાટણ પોલીસ (Patan Police) દ્વારા અલગ-અલગ ટીમો બનાવી તપાસનો ધમધમાટ તેજ કરવામાં આવ્યો હતો. ટેકનિકલ સર્વેલન્સ અને બાતમીદારોની મદદથી LCB પોલીસે 4 આરોપીને દબોચી લીધા છે. પોલીસે આ હત્યા કેસમાં મુખ્ય આરોપી ઝહીર ઉર્ફે ખોખરા (Zahir alias Khokhra) સહિત કુલ ચાર ઇસમોની ધરપકડ કરી છે. આ ટોળકી પાસેથી હત્યામાં વપરાયેલી કાર (Car) સહિત કુલ 4 લાખ 20 હજાર રૂપિયાનો મુદ્દામાલ કબજે કરવામાં આવ્યો છે.

કુખ્યાત શૂટરનો ગુનાહિત ઇતિહાસ

પોલીસ તપાસમાં બહાર આવ્યું છે કે પકડાયેલો મુખ્ય શૂટર ઝહીર ખાન (Zahir Khan) ગુનાહિત માનસ ધરાવે છે. તેની વિરુદ્ધ અગાઉ પણ હત્યાના પ્રયાસ અને લૂંટ જેવા 10થી વધુ ગંભીર ગુનાઓ નોંધાયેલા છે. આ હત્યા પાછળના ચોક્કસ કારણો જાણવા પોલીસ હાલ પૂછપરછ કરી રહી છે. જોકે, હજુ પણ આ કેસમાં અન્ય બે આરોપીઓ ફરાર છે, જેમને પકડવા માટે પોલીસે ચક્રો ગતિમાન કર્યા છે. આ ધરપકડ બાદ પાટણ શહેરમાં શાંતિનો માહોલ જોવા મળી રહ્યો છે, પરંતુ પોલીસ હજુ પણ સતર્ક છે.

આ પણ વાંચોઃ Rajkot: AIIMS ના વિદ્યાર્થી આપઘાત મામલે ખુલાસો! જાણો