વરરાજા અને પરિવારજનો પર મારપીટ!

આક્ષેપ છે કે હુમલાખોરોએ ઘોડા પર બેસેલા વરરાજા (Groom) પર સીધો હુમલો કરીને તેમને બળપૂર્વક ઘોડા પરથી નીચે પછાડી દીધા હતા. આટલેથી ન અટકતા, હુમલાખોરોએ વરરાજાના લગ્નનો કિંમતી શૂટ (Suit) પણ ફાડી નાખ્યો હતો. જેમાં સોનાના દાગીના પણ ખોવાયા છે.  વરરાજાને બચાવવા વચ્ચે પડેલા તેમના પરિવારજનો પર પણ  હુમલો કરવામાં આવ્યો હતો, જેમાં વરરાજાના માતા, કાકા અને કાકીને ગંભીર માર મારવામાં આવ્યો હતો.

જ્ઞાતિસૂચક અપશબ્દો અને જાનથી મારી નાખવાની ધમકી

પીડિત પરિવારના જણાવ્યા અનુસાર, હુમલાખોરોએ માત્ર શારીરિક હિંસા જ નહોતી કરી, પરંતુ જ્ઞાતિસૂચક અપશબ્દો પણ કહ્યા હતા. જાનૈયાઓને જાહેરમાં અપમાનિત કરીને જ્ઞાતિ પ્રત્યે હડધૂત કરવામાં આવ્યા હતા અને ભવિષ્યમાં ગંભીર પરિણામો ભોગવવાની તેમજ જાનથી મારી નાખવાની ધમકી (Death Threat) આપવામાં આવી હતી.   આ ઘટના બાદ લોકોમાં ભારે આક્રોશ છવાયો છે.

બાલીસણા પોલીસ મથકે 5 શખ્સો સામે ગુનો દાખલ

આ સમગ્ર મામલે પીડિત પરિવાર દ્વારા તાત્કાલિક પોલીસનો સંપર્ક કરવામાં આવ્યો હતો. સ્થાનિક બાલીસણા પોલીસ મથકે (Balisana Police Station) આ હિંસક ઘટના અંગે વિધિવત ગુનો નોંધવામાં આવ્યો છે. પોલીસે કુલ 5 સ્થાનિક શખ્સો સામે નામજોગ ગુનો નોંધીને આગળની કાયદેસરની કાર્યવાહી હાથ ધરી છે. પોલીસ ચોપડે નોંધાયેલી વિગતો મુજબ, રામુજી ઠાકોર, સંજયજી ઠાકોર, મેહુલજી ઠાકોર, રાહુલજી ઠાકોર અને કૌશીકજી ઠાકોર નામના શખ્સો સામે ગુનો દાખલ કરવામાં આવ્યો છે.

આ પણ વાંચોઃ Vav-Tharad: દિયોદરના લુદરા ગામે કોર્ટ મેરેજ કરનાર યુવક સહિત પરિવાર પર હુમલો, યુવતીના અપહરણનો આક્ષેપ