Thakor Samaj નો કડક નિર્ણય: બંધારણ તોડનારા 3 પરિવારો સમાજ બહાર
- Thakor Samaj ના બંધારણને લઇને સૌથી મોટી કાર્યવાહી
- પાટણમાં બંધારણ તોડનાર પરિવારોને સમાજ બહાર કરાયા
- અલગ અલગ 3 પરિવારોને સમાજમાંથી બહાર કરાયા
Patan Thakor Samaj: ઉત્તર ગુજરાતના પાટણ (Patan) જિલ્લામાંથી સામાજિક વ્યવસ્થાને લઈને એક સૌથી મોટા સમાચાર સામે આવી રહ્યા છે. પાટણમાં ઠાકોર સમાજ (Thakor Samaj) દ્વારા પોતાના સામાજિક બંધારણને ચુસ્તપણે લાગુ કરવા માટે અત્યાર સુધીની સૌથી મોટી અને કડક કાર્યવાહી કરવામાં આવી છે. સમાજ દ્વારા નક્કી કરવામાં આવેલા નિયમોનું ઉલ્લંઘન (Violation of Rules) કરવા બદલ અલગ-અલગ ત્રણ પરિવારોને સમાજની બહાર કરી દેવામાં આવ્યા છે. આ નિર્ણયને પગલે સમગ્ર પંથકના સામાજિક અને રાજકીય વર્તુળોમાં ભારે ચર્ચા જાગી છે. ઠાકોર સમાજના અગ્રણીઓએ એકઠા થઈને આ પરિવારોનો સામાજિક બહિષ્કાર (Social Boycott) કરવાનો અને તમામ પ્રકારના સામાજિક વ્યવહારોમાંથી તત્કાલ પ્રભાવથી દૂર કરવાનો આકરો નિર્ણય લીધો છે.
લગ્ન પ્રસંગોમાં નિયમોનું ઉલ્લંઘન
મળતી માહિતી અને આક્ષેપો અનુસાર આ પરિવારોમાં તાજેતરમાં જ લગ્ન પ્રસંગો (Marriage Functions) યોજાયા હતા. આક્ષેપ છે કે આ પ્રસંગો દરમિયાન પરિવારોએ સમાજ દ્વારા સર્વસંમતિથી ઘડવામાં આવેલા બંધારણની ઐસીતૈસી કરીને નિયમોનો ભંગ કર્યો હતો. ઠાકોર સમાજના બંધારણમાં ખોટા ખર્ચાઓ અને કુરીવાજો પર પ્રતિબંધ મુકવામાં આવેલો છે, જે અંતર્ગત લગ્ન પ્રસંગોમાં ડીજે (DJ) વગાડવા પર અને રાસ-ગરબા (Raas-Garba) ના ભવ્ય આયોજનો કરવા પર સખત મનાઈ ફરમાવવામાં આવી છે. આમ છતાં આ પરિવારોએ પોતાના ઘરે આયોજિત લગ્નમાં નિયમોને નેવે મૂકીને ડીજે અને રાસ-ગરબાના કાર્યક્રમો રાખ્યા હતા. આ બાબતની જાણ સમાજના અગ્રણીઓને થતાં બંધારણની રક્ષા કાજે આકરી કાર્યવાહીનું પગલું ભરવામાં આવ્યું છે.
ઠાકોર સમાજ
અગ્રણીઓ અને હોદ્દેદારો પણ દંડાયા
ઠાકોર સમાજ
સૌથી ચોંકાવનારી વિગત એ છે કે આ નિયમો તોડવામાં સામાન્ય નાગરિકો જ નહીં, પરંતુ સમાજના મોટા અગ્રણીઓ પણ સામેલ હતા. હારીજ (Harij) પંથકમાં બક્ષીપંચ મોરચાના પ્રમુખ (President of Bakshipanch Morcha) અને સમાજના જાણીતા આગેવાને જ પોતે આ સામાજિક બંધારણ તોડ્યું હોવાના આક્ષેપ થયા છે. આ ઉપરાંત પાટણ જિલ્લાના અડિયા (Adiya Village) અને કુરેજા ગામમાં (Kureja Village) પણ સમાજનું બંધારણ તૂટ્યું હોવાના કિસ્સા પ્રકાશમાં આવ્યા હતા. સમાજના નિયમો દરેક વ્યક્તિ માટે સમાન છે તે સાબિત કરવા માટે અગ્રણીઓએ પદ કે પ્રતિષ્ઠા જોયા વગર તમામ દોષિત પરિવારો સામે એકસરખી કડક કાર્યવાહી કરી છે.
આ પણ વાંચોઃ 'DJ ના ધબકારે આગેવાનો ભડકે માણારાજ', Gabbar Thakor એ ગીતની આડમાં સમાજના બંધારણ પર સાધ્યું નિશાન