Patan: ઝીલિયાકાંડનો મુખ્ય આરોપી જહુ ઠાકોર ફરી વિવાદમાં, જાણો સમગ્ર મામલો

• Patan માં અસામાજિક તત્વોનો આતંક
• ટ્રેગ મોલમાં વામૈયાના શખ્સોની દાદાગીરી જોવા મળી
• કુખ્યાત જહુ ઠાકોર અને સાગરીતોએ ધમકી આપી

Patan: પાટણ શહેરમાં ફરી એકવાર કાયદો અને વ્યવસ્થાની સ્થિતિ સામે સવાલો ઊભા થયા છે. શહેરમાં અસામાજિક તત્વો દ્વારા વેપારીઓને ડરાવવાનો અને ધમકાવવાનો સિલસિલો યથાવત રહ્યો છે. પાટણ શહેરના પ્રથમ ગરનાળા પાસે આવેલા જાણીતા ટ્રેગ મોલ (Trag Mall) માં વામૈયા ગામના કુખ્યાત શખ્સો દ્વારા ખુલ્લેઆમ દાદાગીરી કરવામાં આવી હોવાની ચોંકાવનારી ઘટના સામે આવી છે. આ દાદાગીરીના પગલે સ્થાનિક વેપારી આલમમાં ભારે ભય અને ફફડાટ છે.

કુખ્યાત જહુ ઠાકોર સાગરીતો સાથે મોલમાં ઘૂસ્યો

મળતી માહિતી અને આક્ષેપો મુજબ વામૈયા ગામનો કુખ્યાત ગુનેગાર જહુ ઠાકોર (Jahu Thakor) તેના અન્ય સાગરીતો સાથે ટ્રેગ મોલમાં ધસી આવ્યો હતો. આ અસામાજિક તત્વોએ મોલની અંદર ઘૂસીને ઉત્પાત મચાવ્યો હતો અને ત્યાં હાજર સ્ટોર મેનેજર (Store Manager) ને સીધી જાનથી મારી નાખવાની ધમકી (Threat) આપી હતી. એટલું જ નહીં, આ લુખ્ખાતત્વોએ મોલમાં ફરજ બજાવતા અન્ય કર્મચારીઓ (Staff Members) ને પણ ધમકાવીને ભયભીત કરી દીધા હતા.

ઝીલિયાકાંડનો મુખ્ય આરોપી છે જહુ ઠાકોર

અત્રે ઉલ્લેખનીય છે કે, સ્ટોર મેનેજરને ધમકી આપનારો મુખ્ય શખ્સ જહુ ઠાકોર કોઈ સામાન્ય ગુનેગાર નથી, પરંતુ તે અગાઉ ચર્ચાસ્પદ બનેલા કુખ્યાત ઝીલિયાકાંડ (Zhiliya Incident) નો મુખ્ય આરોપી છે. આ ગુનેગાર પર અગાઉ પણ પોલીસ ચોપડે અનેક ગંભીર ગુનાઓ નોંધાયેલા છે. જેલની બહાર આવીને આ શખ્સે ફરીવાર શહેરમાં આતંક મચાવવાનું શરૂ કરતા લોકોમાં રોષ જોવા મળી રહ્યો છે.

CCTV ફૂટેજના આધારે તપાસ તેજ

આ સમગ્ર મામલે ટ્રેગ મોલના સ્ટોર મેનેજરે હિંમત દાખવીને તાત્કાલિક પાટણ શહેરના B ડિવિઝન પોલીસ મથકે (B Division Police Station) આ ગુનેગારો વિરુદ્ધ નામજોગ FIR નોંધાવી છે. ઘટનાની ગંભીરતાને જોઈને પોલીસે મોલમાં લાગેલા CCTV કેમેરાના ફૂટેજ (CCTV Footage) મેળવીને તપાસ શરૂ કરી દીધી છે. પોલીસને મળેલા આ વિડીયો ફૂટેજમાં કુખ્યાત જહુ ઠાકોર સહિત વધુ એક શખ્સ સ્પષ્ટપણે નજરે પડી રહ્યો છે. પોલીસે આ ફૂટેજના આધારે આરોપીઓને ઝડપી પાડવા માટે ચક્રો ગતિમાન કર્યા છે.

આ પણ વાંચોઃ Patan: સમીના માંડવી ગામની સીમમાં નીલગાયનો શિકાર, વન્યજીવ પ્રેમીઓમાં ભારે રોષ