Patan: ઝીલિયામાં રાત્રે ટોળાએ મચાવ્યો આતંક, ભાવેશ રબારીના ઘર પર કર્યો હુમલો, શું છે કારણ?

Patan: હુમલાખોરોનો આતંક અને તોડફોડ

મળતી જાણકારી મોડી રાત્રે અચાનક ગાડીઓમાં સવાર થઈને આવેલા 15 થી 20 શખ્સોનું ટોળું લાકડી અને ધોકા જેવા હથિયારો સાથે ભાવેશ રબારીના ઘર પાસે ધસી આવ્યું હતું. આ ટોળાએ ઘરની ભયનું વાતાવરણ ઉભું કર્યું હતું. હુમલાના દ્રશ્યો સીસીટીવી (CCTV) કેમેરામાં કેદ થયા છે, જેમાં સ્પષ્ટપણે જોઈ શકાય છે કે હુમલાખોરો કેટલા બેફામ બન્યા હતા.

Patan gang war: પાટણના ચાણસમાના ઝીલિયા રોડ પર ગેંગવોર
ખંડણીખોર ગેંગના અસામાજિક તત્વોએ મચાવ્યો આતંક
મસ્તાની ગેંગ અને વામૈયાના શખ્સો વચ્ચે બબાલ
રૂપિયાની લેવડદેવડ મામલે બંને જૂથો આવ્યા સામસામે
પોલીસ પર પણ અસામાજિક તત્વોએ હુમલો કર્યો
પોલીસની પીસીઆર વાન પર ગેંગના શખ્સોએ કર્યો હુમલો… pic.twitter.com/XS9oUYer6X

— Gujarat First (@GujaratFirst) March 17, 2026

મંદિરના ફાળાનો વિવાદ

ઘટનાની જાણ થતા તાત્કાલિક સ્થળ પર પહોંચેલી 112 પોલીસ વાન પર પણ ઉશ્કેરાયેલા ટોળાએ હુમલો કર્યો હતો. હુમલાખોરોએ પોલીસની ગાડીઓને નિશાન બનાવી હતી. કાયદો અને વ્યવસ્થા જાળવનાર પોલીસ પરના આ હુમલાએ સમગ્ર જિલ્લામાં ખળભળાટ મચાવી દીધો છે. પ્રાથમિક તપાસમાં બહાર આવ્યું છે કે ઝીલિયા ગામે બની રહેલા રામાપીરના નવીન મંદિરના ફાળાની ઉઘરાણી અને વ્યવસ્થા બાબતે ભાવેશ રબારી અને મુખ્ય આરોપી જીતુભા વચ્ચે અગાઉથી મનદુઃખ ચાલતું હતું. આ અદાવત રાખીને જીતુભાએ પૂર્વ આયોજિત કાવતરું રચીને આ હુમલો કરાવ્યો હોવાનું સામે આવ્યું છે.

ટોળા વિરુદ્ધ ગુનો દાખલ, 3 ને પકડ્યા

આ મામલે ચાણસ્મા પોલીસ મથકે (Chanasma Police Station) બે અલગ-અલગ ફરિયાદો નોંધાઈ છે. પ્રથમ ફરિયાદમાં પોલીસ પોતે ફરિયાદી બની છે, જ્યારે બીજી ફરિયાદ રોનક દેસાઈએ (Ronak Desai) નોંધાવી છે. રોનક દેસાઈની ફરિયાદમાં 3 નામજોગ શખ્સો સહિત 15 થી 20 ના ટોળા વિરુદ્ધ ગુનો દાખલ કરવામાં આવ્યો છે. પોલીસે ત્વરિત કાર્યવાહી કરતા અત્યાર સુધીમાં ત્રણ ઈસમોને ઝડપી પાડ્યા છે અને હુમલામાં વપરાયેલી એક ગાડી પણ ડિટેન (Detain) કરવામાં આવી છે. હાલ અન્ય ફરાર આરોપીઓની શોધખોળ તેજ કરી દેવામાં આવી છે.

આ પણ વાંચોઃ Patan Firing Case: ભેંસોના વેપારીની હત્યા કરનાર 4 શખ્સો ઝડપાયા, 2 હજુ ફરાર, જાણો સમગ્ર મામલો