Patan Liquor Ban Violation: પાટણમાં દારૂબંધીના ધજાગરાં, નવજીવન ચોકડી પર બાર જેવી સર્વિસનો વીડિયો વાયરલ

દારૂબંધીના લીરેલીરા ઉડાવતો વીડિયો

પાટણ શહેરમાં બારની જેમ દારૂના અડ્ડાઓ ધમધમી રહ્યા છે. નવજીવન ચોકડી પાસે આવેલી તીરૂપતિ માર્કેટનો એક વીડિયો સોશિયલ મીડિયા પર વાયરલ થયો છે. આ વીડિયોમાં દારૂડિયાઓને બાર જેવી સુવિધા આપવામાં આવી રહી હોવાનું સ્પષ્ટ દેખાય છે. બેફામ બનેલા બુટલેગરો જાહેરમાં દારૂ પીવડાવી રહ્યા છે. આ પ્રકારની પ્રવૃત્તિઓ સ્થાનિક વિસ્તારમાં ગુનાખોરીને પ્રોત્સાહન આપી રહી છે.

ગુજરાત ફર્સ્ટના રિયાલિટી ચેકમાં ખુલાસો

ગુજરાત ફર્સ્ટ દ્વારા આ વિસ્તારનું રિયાલિટી ચેક કરવામાં આવ્યું હતું. તપાસ દરમિયાન મોટી સંખ્યામાં દારૂની ખાલી બોટલો મળી આવી છે. આ બોટલો અહીં થતી દારૂની પ્રવૃત્તિઓનો જીવતો પુરાવો છે. બુટલેગરો પોલીસનો ડર રાખ્યા વગર કાયદાને ખુલ્લેઆમ પડકાર આપી રહ્યા છે. આ વિસ્તારમાં દારૂ પીનારાઓ માટે ખાસ વ્યવસ્થા ઉભી કરવામાં આવી છે. સ્થાનિક લોકો હવે આવા તત્વો સામે કડક કાર્યવાહીની માંગ કરી રહ્યા છે.

પોલીસની કામગીરી સામે સવાલો

શહેરમાં ચાલતા આ દારૂના અડ્ડાઓ પોલીસની રહેમનજર હેઠળ ચાલી રહ્યા હોવાની લોકમુખે ચર્ચા ઉઠી છે. પોલીસની પેટ્રોલિંગ વ્યવસ્થા આ ઘટનાને રોકવામાં નિષ્ફળ સાબિત થઈ હોવાના પણ સ્થાનિકો આક્ષેપ કરી રહ્યા છે. બુટલેગરોના મનોબળ વધી રહ્યા છે જે સમાજ માટે જોખમી છે. વહીવટી તંત્ર હવે આવા અડ્ડાઓને ક્યારે બંધ કરાવશે તે મોટો પ્રશ્ન છે.

આ પણ વાંચો--- Vadodara SSG Hospital Controversy: જવાબદારીથી છટકતું SSG હોસ્પિટલ, મૃતદેહો માટે જાહેર કર્યું વિવાદાસ્પદ ફોર્મ