પાટણની Rani Ki Vav ને આંતરરાષ્ટ્રીય સન્માન, 3D પ્રોજેક્શન મેપિંગ શોને મળ્યો ગોલ્ડ એવોર્ડ

પ્રવાસીઓ માટે આકર્ષણનું કેન્દ્ર

રાણી કી વાવ ભારતના સૌથી પ્રતિષ્ઠિત સ્મારકોમાંનું એક છે, જે દર વર્ષે હજારોની સંખ્યામાં સ્થાનિક અને આંતરરાષ્ટ્રીય પ્રવાસીઓને આકર્ષે છે. મુલાકાતીઓના અનુભવને વધુ યાદગાર અને આકર્ષક બનાવવા માટે ગુજરાત સરકાર દ્વારા અહીં આધુનિક 3D પ્રોજેક્શન મેપિંગ શો અને હેરિટેજ લાઇટિંગ સિસ્ટમનું કાયમી ઇન્સ્ટોલેશન પૂર્ણ કરવામાં આવ્યું હતું. આ પ્રોજેક્ટનું ભવ્ય વર્ચ્યુઅલ ઉદ્ઘાટન ભારતના વડાપ્રધાન નરેન્દ્ર ભાઈ મોદીના હસ્તે 31 માર્ચ, 2026 ના રોજ કરવામાં આવ્યું હતું.

ટેક્નોલોજી અને સંસ્કૃતિનો અનોખો સંગમ

શોની સફળતાનો અંદાજ તે વાત પરથી લગાવી શકાય છે કે 12 જુલાઈ, 2026 સુધીમાં કુલ 44,209 થી વધુ પ્રવાસીઓએ આ અદભુત શોનો આનંદ માણ્યો છે. અમલીકરણ એજન્સી દ્વારા આ પ્રોજેક્ટને WOW એવોર્ડ્સમાં નોમિનેશન માટે મોકલવામાં આવ્યો હતો, જ્યાં ટેક્નોલોજીના સર્જનાત્મક ઉપયોગને માન્યતા મળી છે. આ સન્માન દર્શાવે છે કે કેવી રીતે ઓડિયો-વિઝ્યુઅલ ટેક્નોલોજી દ્વારા ઐતિહાસિક ધરોહરને નવા સ્વરૂપે પ્રસ્તુત કરી શકાય છે.

પર્યટન ક્ષેત્રે ગુજરાતની મોટી સિદ્ધિ

આ એવોર્ડ ગુજરાતના પ્રવાસન ક્ષેત્ર (Tourism sector) માટે ખૂબ જ મહત્વપૂર્ણ છે. તે માત્ર પાટણની વિરાસતને જ નહીં, પરંતુ સાંસ્કૃતિક મહત્વને વિશ્વકક્ષાએ ઉજાગર કરે છે. આ પ્રોજેક્ટ દ્વારા મુલાકાતીઓને એક ઇમર્સિવ હેરિટેજ અનુભવ મળે છે, જે તેમને ઇતિહાસની નજીક લાવે છે. સરકારની આ દૂરદર્શી પહેલ હવે રાજ્યના પ્રવાસનને વધુ વેગવંતુ બનાવવામાં મહત્વની ભૂમિકા ભજવી રહી છે.

આ પણ વાંચોઃ રાણકી વાવ ખાતે 3D લાઈટીંગ શો, 24 મિનિટમાં રજૂ થશે Patan ની ગાથા, જુઓ નજારો