Patan: 'સરકાર પ્રેમ લગ્નમાં વાલીની સહમતિનો કાયદો લાવે', SPG અધ્યક્ષ લાલજી પટેલની માગ, લવ મરેેજનો મુદ્દો ફરી કેમ ઉછળ્યો?

"ભાગીને નહીં, જાગીને લગ્ન કરો"

લાલજી પટેલે પોતાના પ્રવચનમાં યુવતીઓને અને ખાસ કરીને સમાજની દીકરીઓને ખૂબ જ મહત્વપૂર્ણ સંદેશ આપ્યો હતો. તેમણે દીકરીઓને અપીલ કરતાં જણાવ્યું હતું કે, "કોઈપણ દીકરીએ પ્રેમમાં અંધ થઈને ભાગીને લગ્ન કરવાના બદલે, જાગીને એટલે કે સજાગ થઈને લગ્ન કરવા જોઈએ." સમાજમાં સક્રિય કેટલાક અસામાજિક તત્વો માસૂમ દીકરીઓને ફોસલાવીને કે લાલચ આપીને ભગાડી ન જાય તે માટે દીકરીઓએ પોતે જ સામાજિક રીતે જાગૃત (Aware) થવું પડશે. તેમણે ભારપૂર્વક કહ્યું કે, દીકરીઓ પોતાના જ સમાજમાં લગ્નગ્રંથિથી જોડાય તે વધુ હિતાવહ છે, જેથી તેમનું ભવિષ્ય સુરક્ષિત રહે અને સામાજિક તાણવાણો જળવાઈ રહે.

આંતરજ્ઞાતિય લગ્ન સામે વાંધો નથી પણ...

પોતાના વકતવ્યને વધુ સ્પષ્ટ કરતાં SPG અધ્યક્ષે જણાવ્યું કે, તેઓ કે તેમનો સમાજ કોઈપણ જ્ઞાતિમાં થતા લગ્નની વિરુદ્ધમાં નથી. પરંતુ જે માતા-પિતાની સંમતિ સૌથી વધુ જરૂરી છે.

દીકરીઓની સુરક્ષાને લઇ તમામ સમાજનો સહયોગ જરૂરી: લાલજી પટેલ

વર્તમાન સમયની ગંભીર પરિસ્થિતિને ધ્યાનમાં રાખીને, લાલજી પટેલે પાટીદાર સંગઠનો અને આદિવાસી ભીલ સંગઠન સહિતના તમામ સમાજોને દીકરીઓની સુરક્ષા અને ગરિમા માટે એક સમાન મંચ પર આવવા માટે જાહેર આહવાન કર્યું છે.

આ પણ વાંચોઃ 'બેવફા સોન્ગની ક્વીન' Kajal Mehriya નો લગ્ન વિવાદ સામે આવ્યો! પરિવારની જાણ બહાર લગ્ન કર્યા?