Patan News: ઝાપટપુરાનું નામ બદલીને ઇસ્લામપુરા કરાયું? મહંત દેવનાથ બાપુએ કરી ઉચ્ચસ્તરીય તપાસની માગ

મહંત દેવનાથ બાપુની આકરી પ્રતિક્રિયા

આ સમગ્ર મામલે એકલધામના મહંત દેવનાથ બાપુએ આકરા પ્રહાર કર્યા છે. તેમણે આ મુદ્દે વહીવટી તંત્રની કાર્યપદ્ધતિ પર ગંભીર સવાલો ઉઠાવ્યા છે. દેવનાથ બાપુએ સ્પષ્ટપણે જણાવ્યું હતું કે, રેવન્યુ રેકોર્ડમાં સત્તાવાર સુધારા કે ફેરફાર કર્યા વિના કોઈપણ ગામનું નામ બદલવું કાયદાકીય રીતે શક્ય નથી. તેમણે આક્ષેપ કર્યો છે કે વહીવટી તંત્રની મિલીભગત વિના આ પ્રકારનો ફેરફાર થવો અશક્ય છે.

તંત્ર સામે આક્ષેપ અને તપાસની માગ

સ્થાનિક લોકો અને આગેવાનો દ્વારા આ સમગ્ર પ્રકરણમાં તંત્રની ભૂમિકા શંકાના દાયરામાં હોવાનું જણાવી ઉચ્ચસ્તરીય તપાસની માગ કરવામાં આવી છે. લોકોની માંગ છે કે, ગામનું જે મૂળ નામ ‘ઝાપટપુરા’ હતું, તેને જ યથાવત રાખવામાં આવે. આ ઘટનાને લઈને સમગ્ર પંથકમાં ભારે અસંતોષ જોવા મળી રહ્યો છે અને તંત્ર કેવી રીતે આટલી મોટી ભૂલ કે ફેરફાર કરી શકે તે અંગે લોકોમાં આક્રોશ છે. આગામી સમયમાં આ વિવાદ વધુ ઉગ્ર બને તેવી શક્યતા છે.

આ પણ વાંચો: Morbi News: હળવદમાં શરમજનક ઘટના, પતિને જાનથી મારી નાખવાની ધમકી આપી પરિણીતા પર દુષ્કર્મ, આરોપી ભાવેશ ખેંગાર સામે ફરિયાદ