રાણકી વાવ ખાતે 3D લાઈટીંગ શો, 24 મિનિટમાં રજૂ થશે Patan ની ગાથા, જુઓ નજારો

24 મિનિટમાં જીવંત થશે  Patan ની ગાથા

આ શો દરમિયાન 24 મિનિટની એક શોર્ટ ફિલ્મ દર્શાવવામાં આવશે, જેમાં રાણકીવાવનો અજોડ ઇતિહાસ રજૂ કરાયો છે. આ શોમાં માત્ર વાવ જ નહીં, પરંતુ સોમનાથ, મોઢેરા, કીર્તિ સ્તંભ, અને ₹100ની ચલણી નોટ પર અંકિત વાવના ચિત્ર વિશેની માહિતી અપાશે. આ ઉપરાંત કુંભારીયા દેરાસર, પાલિતાણાના જૈન મંદિરો, વિશ્વપ્રસિદ્ધ પાટણના પટોળા, શસ્ત્રલીગ તળાવ, ઓતીયા પરિવાર દ્વારા બનાવવામાં આવતી દશામાની મૂર્તિનો ઇતિહાસ અને પાટણના પારંપરિક દોરી ગરબા જેવા આકર્ષણો પણ રજૂ કરવામાં આવશે.

Patan માં વિશ્વનું પ્રથમ 'ઈનવર્ટેડ મોન્યુમેન્ટ' પ્રોજેક્શન

ઓરા બ્રાઈટ લાઈટ (Aura Bright Light) ના ડાયરેક્ટરે જણાવ્યું હતુ કે, ટેકનિકલ દ્રષ્ટિએ આ ભારત અને વિશ્વનું પ્રથમ એવું 'ઈનવર્ટેડ મોન્યુમેન્ટ' છે જ્યાં 3D મેપિંગ કરવામાં આવ્યું છે. સામાન્ય રીતે મંદિરોના શિખર પર પ્રોજેક્શન થતું હોય છે, પરંતુ જમીનની અંદર ઉતરેલી વાવમાં આ પ્રકારનો પ્રયોગ પ્રથમ છે. આર્કિયોલોજી સાઇટ હોવાથી અહીં કોઈ પણ પ્રકારનું ખોદકામ કે તોડફોડ કર્યા વગર 10 અત્યાધુનિક લેસર પ્રોજેક્ટર (Laser Projectors) ઇન્સ્ટોલ કરવા એ મોટો પડકાર હતો.

Patan | Rani Ki Vav ખાતે શરૂ થયો આધુનિક 3D લાઈટ શો | Gujarat First

પાટણમાં રાણીની વાવ ખાતે થ્રીડી લાઈટીંગ શોનું લોકાર્પણ
વડાપ્રધાન નરેન્દ્ર મોદીએ વર્ચ્યુઅલી કર્યુ લોકાર્પણ
અંદાજિત 18 કરોડના ખર્ચે થ્રીડી લાઈટીંગ શોનું લોકાર્પણ
થ્રીડી મેપિંગ શો અને લાઈટ સાઉન્ડ શોનું વાવ ખાતેથી… pic.twitter.com/WDOr0bTiSd

— Gujarat First (@GujaratFirst) April 1, 2026

અત્યાધુનિક ટેકનોલોજી અને વિશેષ સુવિધાઓ

આ પ્રોજેક્ટ માટે અંડરગ્રાઉન્ડ પ્રોજેક્ટર સિસ્ટમનો ઉપયોગ કરવામાં આવ્યો છે. જ્યારે શો શરૂ થશે ત્યારે પ્રોજેક્ટર જમીનમાંથી ઉપર આવશે અને શો પૂરો થયા બાદ ફરી જમીનની અંદર સુરક્ષિત રીતે જતા રહેશે. સમગ્ર પરિસરમાં હેરિટેજ લાઇટિંગ (Heritage Lighting) અને પાથ-વે લાઇટિંગ કરવામાં આવ્યું છે. પ્રવાસીઓ માટે વાવના પગથિયાં પર જ 125 થી 150 લોકો બેસી શકે તેવી વ્યવસ્થા કરવામાં આવી છે.

આ પણ વાંચોઃ Water Show: પ્રવાસીઓ માટે મોજ! વડનગરનો ઈતિહાસ હવે હવામાં અને પાણીમાં, જુઓ અદભૂત વિડીયો

પ્રવાસન અને રોજગારીમાં વધારો

રાણકીવાવમાં વાર્ષિક 3.5 થી 4 લાખ પ્રવાસીઓ આવે છે, જે સંખ્યા હવે વધવાની આશા છે. આ શોની ટિકિટ માત્ર ₹30 રાખવામાં આવી છે અને દરરોજ બે શો ચલાવવામાં આવશે. આ રાત્રિ પ્રવાસનથી પાટણ (Patan) ના સ્થાનિક વેપારીઓ અને ખાણીપીણીના વ્યવસાય સાથે સંકળાયેલા લોકો માટે રોજગારીની નવી તકો ઉભી થશે. આગામી 5 વર્ષ સુધી આ પ્રોજેક્ટનું સંચાલન પ્રવાસન વિભાગ (Tourism Department) દ્વારા કરવામાં આવશે.

આ પણ વાંચોઃ Patan માં ધૂણતાં બાળકનો વીડિયો વાયરલ, ઉઠ્યા અનેક સવાલ