Patan: રાધનપુરમાં ચૌધરી સમાજનું શક્તિ પ્રદર્શન, ઓગડ જાગીર મઠના મંહત સાથે ચાલે છે વિવાદ

Patan:  પ્રમુખ ભવાનભાઈ દ્વારા નિવેદન

આ સંમેલન દરમિયાન રાધનપુર ચૌધરી સમાજના પ્રમુખ ભવાનભાઈ દ્વારા કેટલાક ગંભીર અને સનસનીખેજ નિવેદનો આપવામાં આવ્યા હતા. તેમણે દાવો કર્યો હતો કે અજમલભાઈ ચૌધરી પર થયેલા હુમલાના કેસમાં વિધાનસભાના અધ્યક્ષ શંકરભાઈ ચૌધરીએ (Shankarbhai Chaudhary) મદદ કરી હતી. પ્રમુખના જણાવ્યા અનુસાર, શંકરભાઈએ નાયબ મુખ્યમંત્રી, રાજ્યના ડીજીપી (DGP) અને એસપી (SP) સાથે ફોન પર વાતચીત કરી હતી અને આરોપીઓ સામે કડક કાર્યવાહી તથા તાત્કાલિક ધરપકડ કરવા માટે સૂચના આપી હતી. જેના પગલે આરોપીઓની ધરપકડ કરીને તેમને પાસા (PASA Act) હેઠળ ધકેલવામાં આવ્યા હોવાનું જણાવવામાં આવ્યું હતું.

વિધાનસભાના અધ્યક્ષ શંકરભાઈ ચૌધરીની સ્પષ્ટતા

બીજી બાજુ, આ સમગ્ર વિવાદ અંગે વિધાનસભાના અધ્યક્ષ શંકરભાઈ ચૌધરીએ પણ સ્પષ્ટતા કરતા પોતાનું નિવેદન આપ્યું છે. તેમણે જણાવ્યું હતું કે અજમલભાઈને પૂરતો અને નિષ્પક્ષ ન્યાય મળે તે માટે ખાસ કમિટીની રચના કરવામાં આવી છે. આ કમિટી જે પણ નિર્ણય કરશે તેના આધારે જ આગળની કાયદેસરની કાર્યવાહી હાથ ધરવામાં આવશે. સાથે જ તેમણે ચૌધરી સમાજના લોકોને આવી રેલીઓ કે વિવાદોમાં ન જોડાવવા માટે અપીલ કરી હતી. સોશિયલ મીડિયામાં વાયરલ થતા વીડિયો બાબતે ટિપ્પણી કરતા તેમણે ઉમેર્યું હતું કે સોશિયલ મીડિયા પર જે કંઈ પ્રસારિત થાય છે તે બધું જ સત્ય હોતું નથી, તેથી લોકોએ અફવાઓથી દૂર રહેવું જોઈએ.

આ પણ વાંચો: Revenue Records Gujarat: મહેસૂલી દસ્તાવેજોમાંથી કોળી શબ્દ હટાવવા રજૂઆત, MLA વલસિંહ ઝાલાએ પત્ર લખી કરી માગ