Radhanpur Municipality: રાધનપુર પાલિકામાં મહિલાઓનો હોબાળો, પ્રમુખ-ઉપપ્રમુખ સામે પ્રજામાં ભારે રોષ

પાલિકા કચેરીમાં મહિલાઓનો આક્રોશ

વોર્ડ નંબર 1માં રસ્તા, પાણી અને ગટરની વર્ષો જૂની સમસ્યાઓ હજુ પણ વણઉકેલ છે. આટલી પાયાની સુવિધાઓ ન મળતા મહિલાઓની ધીરજ ખૂટી ગઈ હતી. સ્થાનિક કોંગી સદસ્ય સાથે મોટી સંખ્યામાં મહિલાઓ નગરપાલિકા કચેરી પહોંચી હતી. તેઓ પોતાની સમસ્યાઓનું નિરાકરણ લાવવા માટે ઉગ્ર રજૂઆત કરી રહી હતી. મહિલાઓની આ માંગણી સામે વહીવટી તંત્ર સાવ નિષ્ક્રિય જણાયું હતું.

પ્રમુખની ચેમ્બરમાં નાસભાગ

રજૂઆત કરવા પહોંચેલા લોકો સામે પાલિકા પ્રમુખ ભાવનાબેન જોશીએ કોઈ પણ પ્રકારની સંવેદનશીલતા બતાવી નહીં. પ્રમુખે લોકોના પ્રશ્નો સાંભળવાને બદલે પોતાની ચેમ્બર છોડીને પલાયન કરવાનો માર્ગ પસંદ કર્યો હતો. એટલું જ નહીં, રજૂઆત કરવા આવેલા સ્થાનિકો પર પોલીસ ફરિયાદ કરવાની ધમકી પણ આપવામાં આવી હતી. મહિલાઓ સાથેના આ પ્રકારના વર્તનથી સમગ્ર પરિસરમાં તણાવનું વાતાવરણ સર્જાયું હતું.

ઉપપ્રમુખનું મૌન અને શહેરીજનોની હતાશા

પાલિકા પ્રમુખના વ્યવહારથી નિરાશ થયેલા મહિલાઓ અને કોંગી સદસ્યો ન્યાયની આશાએ પાલિકા ઉપપ્રમુખ હરેશ ઠક્કરના ઘરે પહોંચ્યા હતા. જનપ્રતિનિધિ તરીકે લોકોની સમસ્યા સાંભળવાને બદલે ઉપપ્રમુખે ઘરનો દરવાજો ખોલવાની તસ્દી સુદ્ધાં લીધી નહીં. ચૂંટાયેલા પદાધિકારીઓ દ્વારા કરવામાં આવેલી આ પ્રકારની અવગણનાએ પ્રજામાં ભારે આક્રોશ જન્માવ્યો છે. રાધનપુરના આ બંને પદાધિકારીઓ સામે હાલમાં શહેરીજનોમાં તીવ્ર રોષ જોવા મળી રહ્યો છે.

આ પણ વાંચો--- Ahmedabad Fire: અમદાવાદના વિશાલ વિસ્તારમાં ભીષણ આગ, 60 જેટલા ઝૂંપડાં બળીને ખાખ