Rajkot Jetpur News: જેતપુરમાં ફિલ્મી દ્રશ્યો, દારૂ પકડવા ગયેલા પોલીસકર્મી પર બુટલેગરનો છરીથી હુમલો

Rajkot ના Jetpur માં દારૂ ભરેલી કાર પકડવા જતી પોલીસ ટીમ પર હુમલો

ઘટનાની વિગતો મુજબ, ઉદ્યોગનગર પોલીસને બાતમી મળી હતી કે એક કારમાં દેશી દારૂની હેરાફેરી થઈ રહી છે. જેના આધારે પોલીસે હાઈવે પર નાકાબંધી કરી કારને રોકવાનો પ્રયાસ કર્યો હતો, પરંતુ બુટલેગરે કાર રોકવાને બદલે ભગાડી મૂકી હતી. પોલીસે ફિલ્મીઢબે તેનો પીછો કરતા આરોપીએ પોલીસકર્મી પર હુમલો કર્યો હતો.

દારૂ જપ્ત, ઈજાગ્રસ્ત પોલીસકર્મીઓને હોસ્પિટલમાં ખસેડાયા

આ બનાવની ગંભીરતાને ધ્યાનમાં રાખીને LCB સહિતનો પોલીસ કાફલો તાત્કાલિક ઘટનાસ્થળે દોડી ગયો હતો. પોલીસે કારમાંથી દેશી દારૂના બેથી ત્રણ બચકાં તેમજ કાર સહિતનો મુદ્દામાલ જપ્ત કર્યો છે. હુમલામાં ઈજાગ્રસ્ત થયેલા પોલીસકર્મી નિલેશ મકવાણા તેમજ આરોપી બુટલેગરને તાત્કાલિક સારવાર અર્થે સરકારી હોસ્પિટલ ખસેડવામાં આવ્યા છે. પોલીસે આરોપી બુટલેગરની અટકાયત કરી આગળની કાયદેસરની કાર્યવાહી હાથ ધરી છે.

આ પણ વાંચો: Ahmedabad News: ધોલેરા-પીપળી NH-751 પર નાળું તૂટતા વાહનવ્યવહાર ઠપ, તંત્ર દ્વારા વૈકલ્પિક માર્ગો જાહેર