Rajkot: 'અમારા પાસે જેટલું હશે એ આપીશું પણ કામ ક્વોલિટીવાળું કરજો', CM ભૂપેન્દ્રભાઈ પટેલની રાજકોટના મેયરને ટકોર

'અમારા પાસે જેટલું હશે એ આપીશું...'

મુખ્યમંત્રીએ પોતાના સંબોધનમાં જણાવ્યું કે રાજ્ય સરકાર વિકાસ માટે કોઈ કચાશ રાખવા માંગતી નથી. તેમણે કહ્યું, “વિકાસ કામો માટે અમારા પાસે જેટલું હશે એટલું પણ આપીશું, પરંતુ કામ ક્વોલિટીવાળું કરજો.” તેમના આ નિવેદનથી સ્થાનિક સ્વરાજ્ય સંસ્થાઓ માટે ગુણવત્તાયુક્ત વિકાસ કામો પર ભાર મૂકાયો છે.

વિકાસનો પ્રધાનમંત્રી પાસેથી મળેલો અનુભવ

મુખ્યમંત્રીએ કહ્યું કે વિકાસ કેવો હોવો જોઈએ અને કેટલો વ્યાપક હોઈ શકે તેનો અનુભવ દેશને પ્રધાનમંત્રી નરેન્દ્રભાઈ મોદીના નેતૃત્વ હેઠળ થયો છે. લોકોની અપેક્ષાઓ સતત વધતી રહે છે અને નવી સુવિધાઓ મળતાં વધુ સારી સુવિધાઓની માગ પણ સ્વાભાવિક રીતે વધે છે.

Rajkot ની મુલાકાતે CM ભૂપેન્દ્રભાઈ પટેલ,268 કરોડથી વધુના વિકાસ કામોના લોકાર્પણ-ખાતમુહૂર્તhttps://t.co/BzyjcZNlq4#Rajkot #CMBhupendraPatelRajkotVisit #RajkotMunicipal #Corporation #SaurashtraUniversityRajkot #ThoralalVillageLandIssue #GujaratFirstDigital

— Gujarat First (@GujaratFirst) August 2, 2026

યોગ અને આયુષ્માન કાર્ડ પર ટિપ્પણી

યોગના મહત્વ પર ભાર મૂકતા મુખ્યમંત્રીએ કહ્યું હતુ કે યોગા કરીએ તો આયુષ્માન કાર્ડની જરૂર ન પડે, અને યોગા ન કરીએ તો આયુષ્માન કાર્ડ તો છે જ. તેમણે વધુમાં કહ્યું કે સરકારની મુખ્ય પ્રાથમિકતા પ્રજાજનોના પ્રશ્નોનો ઝડપથી નિકાલ લાવવાની છે. વિકાસની સાથે વિરાસતને જાળવવાની જરૂરિયાત પર ભાર મૂકતા તેમણે કહ્યું કે શહેરોના વિકાસમાં ઐતિહાસિક અને સાંસ્કૃતિક વારસાનું સંરક્ષણ પણ એટલું જ મહત્વપૂર્ણ છે.

આર્થિક અને સામાજિક વિકાસ સાથે આગળ વધવું પડશે

મુખ્યમંત્રીએ વિકાસને બે ભાગમાં વહેંચીને સમજાવ્યો – આર્થિક વિકાસ અને સામાજિક વિકાસ. બંને સમાન ગતિએ આગળ વધે તે રાજ્ય માટે આવશ્યક હોવાનું તેમણે જણાવ્યું. ઉપરાંત મનપાના રોડ વિકાસ અંગે તેમણે સૂચન કર્યું કે જ્યાં નવા રોડ બનાવવાના ન હોય ત્યાં અનાવશ્યક રીતે RCC રોડ ન બનાવવામાં આવે.

2030 કોમનવેલ્થ માટે ગુજરાતની તૈયારી

કાર્યક્રમના અંતે મુખ્યમંત્રીએ રમતગમત ક્ષેત્રનો ઉલ્લેખ કરતાં જણાવ્યું કે ભારતને કોમનવેલ્થમાં 39 મેડલ મળ્યા છે અને 2030માં કોમનવેલ્થ રમતો ગુજરાતમાં યોજાવાની છે. આ માટે રાજ્યને રમતગમતની સુવિધાઓ અને ઇન્ફ્રાસ્ટ્રક્ચરને વધુ મજબૂત બનાવવાની જરૂર હોવાનું તેમણે જણાવ્યું.

આ પણ વાંચોઃ Rajkot: પુજિત વિજયભાઈ રૂપાણી મેમોરિયલ ટ્રસ્ટનો દીક્ષાગ્રહણ સમારોહ યોજાયો, CM ભૂપેન્દ્રભાઈ પટેલ રહ્યા ઉપસ્થિત

આ પણ વાંચોઃ MP Dhavalbhai Patel: દક્ષિણ ગુજરાતના પૂરગ્રસ્ત વિસ્તારોની સાંસદ ધવલ પટેલે મુલાકાત લીધી, અસરગ્રસ્તોને રાહત કીટનું કર્યું વિતરણ