Rajkot railway કર્મચારીએ ફિનાઈલ પી Suicide attempt કર્યું, 'સાહેબ' ના ત્રાસનો ગંભીર આરોપ!
- Rajkot railway employee નો આપઘાતનો પ્રયાસ
- આપઘાત પહેલા લાઈવ સેલ્ફી વીડિયો બનાવ્યો
- ગંભીર આરોપથી ખળભળાટ મચ્યો
- નીતિનભાઈ જેઠવાની હાલત લથડતા હોસ્પિટલ ખસેડાયા
Rajkot railway employee suicide attempt: રાજકોટ (Rajkot) જિલ્લાના ધોરાજીમાં રેલ્વે કર્મચારીએ આત્મહત્યાનો પ્રયાસ (Suicide Attempt) કરતા સમગ્ર પંથકમાં ચકચાર મચી ગઈ છે. સરકારી તંત્રમાં ચાલતા માનસિક ત્રાસ (Mental Torture) અને અધિકારીઓની કનડગતથી કંટાળીને એક કર્મચારીએ જીવ ટૂંકાવવાનું આત્યંતિક પગલું ભર્યું છે. આ ઘટનામાં ખાસ વાત એ છે કે, કર્મચારીએ આપઘાત કરતા પહેલા પોતાનો લાઈવ સેલ્ફી વીડિયો (Selfie Video) બનાવીને સોશિયલ મીડિયામાં વાયરલ કર્યો છે.
ગંભીર આક્ષેપો અને suicide attempt
ધોરાજીમાં રેલ્વેમાં કોન્ટ્રાક્ટ બેઝ (Contract Base) પર ફરજ બજાવતા નીતિનભાઈ ધર્મેન્દ્રભાઈ જેઠવાએ ગઈકાલે રાત્રે ફિનાઈલ (Phenyl) પી લેતા ખળભળાટ મચી ગયો છે. વાયરલ થયેલા વીડિયોમાં પીડિત કર્મચારીએ રેલ્વેના ટીકીટ માસ્ટર (Ticket Master) શીના સાહેબ પર માનસિક ટોર્ચર કરવાના ગંભીર આક્ષેપો (Allegations) લગાવ્યા છે. વીડિયોમાં તેમણે સ્પષ્ટ જણાવ્યું છે કે, તેમના આ પગલા માટે શીના સાહેબ જ જવાબદાર છે. આ ઘટનાએ રેલ્વે વિભાગની આંતરિક કાર્યપ્રણાલી અને કર્મચારીઓની સુરક્ષા પર સવાલો ઉભા કર્યા છે.
આ પણ વાંચો----- Kutch News: જખૌના લુણા ટાપુ પરથી મળી શંકાસ્પદ ડ્રોનની પાંખ, સુરક્ષા એજન્સીઓ હરકતમાં
તાત્કાલિક સારવાર (Treatment) અને હોસ્પિટલ ખસેડાયા
ફિનાઈલ પીધા બાદ નીતિનભાઈની તબિયત લથડતા પરિવારજનો અને આસપાસના લોકોએ તાત્કાલિક 108 એમ્બ્યુલન્સ (Ambulance) મારફતે તેમને ધોરાજી સિવિલ હોસ્પિટલ પહોંચાડ્યા હતા. સિવિલ હોસ્પિટલમાં પ્રાથમિક સારવાર આપ્યા બાદ વધુ ગંભીર હાલત જણાતા તબીબોએ તેમને વધુ સારવાર અર્થે જૂનાગઢ (Junagadh) રીફર કર્યા છે. હાલ પોલીસ આ વાયરલ વીડિયો અને આક્ષેપોના આધારે સમગ્ર મામલાની તપાસ હાથ ધરી રહી છે.
આ પણ વાંચો----- Surat Airport પર DRIની સર્જિકલ સ્ટ્રાઈક, આકાશમાંથી ઉતર્યો કરોડોનો Hybrid Ganja, એજન્સીઓ પણ ચોંકી ઉઠી!