રાજકોટમાં એક વૃદ્ધા દ્વારા કાળા રંગની સ્કોર્પિયો (GJ 03 PR 0010) કારમાં જોખમી સ્ટંટ કરવાનો વીડિયો સોશિયલ મીડિયા પર વાયરલ થયો છે. સામાન્ય રીતે સગીરો દ્વારા થતી સ્ટંટબાજીના બનાવો વચ્ચે એક વૃદ્ધ મહિલાની આ બેજવાબદારીભરી હરકતે લોકોમાં અનેક પ્રશ્નો ઉભા કર્યા છે.
Rajkot Video Viral: રાજકોટ શહેરમાંથી એક અત્યંત ચોંકાવનારો કિસ્સો સામે આવ્યો છે, જેમાં એક વૃદ્ધા દ્વારા કરવામાં આવેલા જોખમી સ્ટંટનો વીડિયો સોશિયલ મીડિયા (Social Media) પર આગની જેમ ફેલાઈ રહ્યો છે. સામાન્ય રીતે ટ્રાફિકના નિયમો (Traffic Rules) તોડતા અથવા જાહેર રસ્તાઓ પર સ્ટંટ કરતા યુવાનો કે યુવાનોની તસવીરો ઘણીવાર સામે આવતી હોય છે, પરંતુ આ વખતે એક વૃદ્ધા દ્વારા કરવામાં આવેલી આવી હરકત લોકોમાં આશ્ચર્ય અને ચર્ચાનો વિષય બની છે.
લોકોમાં અનેક ચર્ચાઓ
પ્રાપ્ત માહિતી અનુસાર આ ઘટનામાં કાળા રંગની એક સ્કોર્પિયો (Scorpio) કારનો ઉપયોગ કરવામાં આવ્યો હતો. આ કારનો નંબર GJ 03 PR 0010 છે. આ વાયરલ વીડિયોમાં સ્પષ્ટપણે જોઈ શકાય છે કે વૃદ્ધ મહિલા કારમાં સવાર છે અને બેફામ રીતે સ્ટંટ કરી રહી છે.આ ઘટના સામે આવતાની સાથે જ સ્થાનિક લોકોમાં ભારે કુતૂહલ સાથે અનેક ચર્ચાઓ થઈ રહી છે.
સોશિયલ મીડિયામાં વૃધ્ધાએ સૌનું ધ્યાન ખેંચ્યું
કેટલાંક સોશિયલ મીડિયા પ્લેટફોર્મ પર લોકો આ વીડિયો પર કાયદો અને વ્યવસ્થા સામે સવાલ ઉઠાવી રહ્યા છે. જ્યારે કેટલાક લોકો આ વીડિયોથી મજા માણી રહ્યા છે. શું આ સ્ટંટ વીડિયો બનાવવા માટે કરવામાં આવ્યા હતા કે પછી કોઈ અન્ય કારણ છે, તે અંગે હાલમાં કોઈ પુષ્ટિ મળી નથી. યુવાનો દ્વારા કરવામાં આવતી સ્ટંટબાજીના કિસ્સાઓ અગાઉ અનેકવાર ચર્ચામાં રહ્યા છે, પરંતુ વૃદ્ધ મહિલા દ્વારા કરવામાં આવેલી આ હરકત ચર્ચાનો વિષય બની ગઈ છે. આ વૃદ્ધાએ એવા સ્ટંટ કર્યા છે કે યુવાનો પણ શરમાઈ તેવા સ્ટંટ કર્યા છે.
આ પણ વાંચોઃ Morbi Maliya Highway: બે ટ્રકની ટક્કર બાદ લાગી ભીષણ આગ, એક જીવતો ભુંજાયો, હાઈવે પર ચક્કાજામ
