Rajkot: હનુમાન કથા દરમિયાન VVIP ડોમમાં ભીષણ આગ! હજારોની ભીડ વચ્ચે કેવી રીતે ટળી મોટી દુર્ઘટના?

Rajkot માં હનુમાન ચાલીસા યુવા કથાના ડોમમાં લાગી આગ

આ કથા પૂજ્ય હરિપ્રકાશદાસજી સ્વામીના માર્ગદર્શન હેઠળ આયોજિત કરવામાં આવી છે, જેમાં હજારો ભક્તો ઉમટી પડ્યા હતા. રેસકોર્સ ગ્રાઉન્ડને ભવ્ય કથા મંડપમાં ફેરવવામાં આવ્યું છે, જ્યાં VVIP ડોમ સહિત વિવિધ વ્યવસ્થાઓ ગોઠવવામાં આવી છે. ઘટના ફાયર શોના પ્રદર્શન દરમિયાન બની હતી, જેમાં આગની જ્વાળાઓ અચાનક વકરી ગઈ અને ડોમના ભાગમાં ફેલાઈ ગઈ.આગ લાગતા જ કથા સ્થળે હાજર ભક્તોમાં અફરાતફરી મચી ગઈ હતી. લોકો ભાગદોડ કરવા લાગ્યા, પરંતુ આયોજકો અને સુરક્ષા કર્મીઓની ત્વરિત કાર્યવાહીથી પરિસ્થિતિ કાબૂમાં આવી ગઈ.

ફાયર બ્રિગેડની ટીમોએ આગ પર કાબુ મેળવ્યો

આગ લાગતા ફાયર વિભાગને જાણ કરવામા આવી હતી જે બાદ ફાયર બ્રિગેડની ટીમો તાત્કાલિક ઘટનાસ્થળે પહોંચી અને આગ પર કાબુ મેળવ્યો. કથાનો કાર્યક્રમ થોડી વાર માટે અટક્યો હતો, ભક્તોએ હનુમાનજીની કૃપાથી મોટી અનર્થ ટળ્યો તેમ માનીને રાહતનો શ્વાસ લીધો હતો.

આ પણ વાંચો : Gondal : ગણેશ જાડેજા-રાજુ સોલંકી ફરી એકમંચે; સમાધાન બાદ જન્મદિવસ પર શુભેચ્છા સાથે વિરોધીઓને જડબાતોડ જવાબ