Gondal: "મેં કોઈ ભૂલ નથી કરી કે માફી માંગવી પડે", વાયરલ વીડિયો પર જયરાજસિંહ જાડેજાનો જવાબ!
- Gondal: જયરાજસિંહની ગર્જના
- "મેં કોઈ ભૂલ નથી કરી કે માફી માંગવી પડે"
- વાયરલ વીડિયોઅંગે સુલતાનપુરમાં કરી મોટી સ્પષ્ટતા
- કાર્યકરો માટે નમ્યા પણ વિરોધીઓને આપ્યો પડકાર
- જયરાજસિંહ જાડેજાના નિવેદનથી રાજકારણ ગરમાયું
Gondal: ગોંડલ પંથકમાં સ્થાનિક સ્વરાજની ચૂંટણીઓ (Local Body Elections) પૂર્વે રાજકીય માહોલ ગરમ થયો છે. સુલતાનપુર ગામમાં યોજાયેલી જાહેર સભામાં (Public Meeting) પૂર્વ ધારાસભ્ય જયરાજસિંહ જાડેજાએ પોતાના માફી માંગવાના વાયરલ વીડિયો અંગે મોટી સ્પષ્ટતા કરી છે. ચરખડીની સભા બાદ સોશિયલ મીડિયામાં (Social Media) ચાલી રહેલી વિવિધ ચર્ચાઓ પર વિરામ મુકતા તેમણે મક્કમ અવાજે પોતાનો પક્ષ રજૂ કર્યો છે.
Gondal: વાયરલ પોસ્ટ અને માફીના વીડિયોનું સત્ય
બે દિવસ પહેલા ચરખડી ગામે યોજાયેલ જાહેર સભામાં જયરાજસિંહ જાડેજાએ માફી માંગી હતી, જેના કારણે સોશિયલ મીડિયા પર પોસ્ટ વાયરલ (Viral Post) થઈ હતી. કેટલાક લોકોએ એવી પણ ટિપ્પણી કરી હતી કે જેમ ચરખડીમાં માફી માંગી એમ પોતાના કરેલા પાપ માટે પણ માતાજીના ચરણોમાં માફી માંગે. આ વિવાદ પર પ્રતિક્રિયા આપતા જયરાજસિંહ જાડેજાએ સુલતાનપુરની સભામાં જણાવ્યું હતું કે, તેમણે કોઈ ભૂલ (Mistake) કરી જ નથી કે તેમને માફી માંગવી પડે. તેમણે સ્પષ્ટ કર્યું હતું કે ચરખડીની સભામાં તેમણે જે માફી માંગી હતી, તે પોતાના બે દોડતા કાર્યકર્તાઓ (Party Workers) માટે માંગી હતી.
આ પણ વાંચો---- Arvalli: મેઘરજમાં કોંગ્રેસના ગઢમાં મોટું ગાબડું, 200 થી વધુ મુસ્લિમ યુવાનો અને અગ્રણીઓના કેસરિયા
Gondal: ચૂંટણી પૂર્વે ગોંડલમાં રાજકીય ગરમાવો ચરમસીમાએ
હાલમાં સ્થાનિક સ્વરાજની ચૂંટણીના (Local Elections) કારણે ગોંડલના રાજકારણમાં અનેક ઉતાર-ચઢાવ જોવા મળી રહ્યા છે. પૂર્વ ધારાસભ્યના આ નિવેદનથી સોશિયલ મીડિયામાં ચર્ચાઓ ફરી તેજ બની છે. જયરાજસિંહ જાડેજાએ કાર્યકરોની સુરક્ષા અને સન્માન માટે પોતે ઝૂક્યા હોવાનો દાવો (Claim) કરીને પોતાના વિરોધીઓને જડબાતોડ જવાબ આપ્યો છે. સુલતાનપુરની આ સભામાં મોટી સંખ્યામાં સમર્થકોની હાજરી વચ્ચે થયેલી આ સ્પષ્ટતા આગામી દિવસોમાં નવા રાજકીય સમીકરણો (Political Equations) સર્જી શકે છે.
થોડા સમય પહેલા ભાજપના બાહુબલી નેતા જયરાજસિંહ જાડેજા ગોંડલના ચરખડી ગામે મતદારોની માફી માંગતા જોવા મળ્યા હતા. જયરાજસિંહ જાડેજા ચરખડી ગામમાં મતદારોને સંબોધતા દરમિયાન તેમણે ગ્રામજનો સામે જાહેરમાં માફી માંગી હતી. તેમણે કહ્યું કે જો ગામના વિકાસ કાર્યોમાં વિલંબ થયો હોય, અથવા પંચાયત સ્તરે કોઈ પ્રકારની ભૂલ રહી ગઈ હોય, તો તે માટે વ્યક્તિગત રીતે ક્ષમા માંગે છે.
આ પણ વાંચો---- Rajkot News: ભાજપ નેતા પણ જોતા રહી ગયા! માજીએ ચૂંટણી પ્રચારમાં PM Modi માટે શું કહ્યું?