Gondal: કચરાના ઢગલામાંથી શિશુનો મૃતદેહ મળતા ચકચાર
- Gondal: સ્મશાન રોડ પર પુલનાં ખુણે કચરાનાં ઢગલામાંથી મૃતદેહ મળ્યો
- નવજાત શિશુનો મૃતદેહ પ્લાસ્ટિકની કોથળીમાં પેક કરેલો હતો
- શિશુનો મૃતદેહ મળી આવતાં સિવિલ હોસ્પિટલ ખસેડાયો
Gondal: ગોંડલનાં સ્મશાન રોડ પર પુલનાં ખુણે કચરાનાં ઢગલામાં પ્લાસ્ટિકની કોથળીમાં પેક કરેલો નવજાત શિશુનો મૃતદેહ મળી આવતાં સિવિલ હોસ્પિટલ ખસેડાયો હતો. કોઇ દયાવિહીન માતાએ અધુરા માસે જન્મેલા બાળકનાં મૃતદેહને પ્લાસ્ટિકની કોથળીમાં પેક કરી કચરાનાં ઢગલા માં ફેંકી દઇ " જનનીની જોડ સખી નહી જડે રે લોકોની વ્હાલપ ભરી પંક્તિઓને લજવી હતી.
શિવમ સાર્વજનિક ટ્રસ્ટના પ્રમુખ ઘટના સ્થળે આવ્યા
બનાવ અંગે બી'ડીવીઝન પોલીસે તપાસ હાથ ધરી છે. પ્રાપ્ત વિગત મુજબ પાંજરાપોળ પુલના ખૂણા પાસે કચરો વીણતા યુવાનને પ્લાસ્ટિકની થેલીમાં નવજાત શિશુનો મૃતદેહ મળી આવ્યો હતો. દરમ્યાન જાગૃત નાગરિક દ્વારા ઘટના અંગેની જાણ શિવમ સાર્વજનિક ટ્રસ્ટના પ્રમુખ દિનેશભાઈ માધડને કરાતા તેઓ ટીમ સાથે ઘટના સ્થળે દોડી આવ્યા હતા. અને નવજાત શિશુના મૃતદેહને શિવમ સાર્વજનિક ટ્રસ્ટની એમ્બ્યુલન્સ મારફત અત્રેની સિવિલ હોસ્પિટલ ખસેડવામાં આવ્યો હતો.
Gondal: પોલીસે દયાવિહીન માતા-પિતાની શોધખોળ શરુ કરી
હોસ્પિટલનાં તબીબ દ્વારા કચરાના ઢગલામાંથી મળેલ શિશુના મૃતદેહની તપાસ કરતા જણાવ્યું હતુ કે આશરે સાત માસના બાળકનો ગર્ભ જણાઇ આવે છે. જેમાં બનાવ અંગે બી.ડીવિઝન પોલીસે તપાસ હાથ ધરી દયાવિહીન માતા-પિતાની શોધખોળ શરુ કરી છે.
અહેવાલ: વિશ્વાસ ભોજાણી - ગોંડલ
આ પણ વાંચો: Gujarati Top News : આજે 13 નવેમ્બર 2025 ના દિવસે શું થશે ગુજરાતમાં?