Gondal : વેપારી પર હુમલો કરનારને દબોચતી LCB, રી-કન્સ્ટ્રક્શન કરાયું
Gondal માં બે મહિના પહેલા વેપારી પર હુમલાની ઘટના સામે આવી હતી, હુમલાની આ ઘટના બાદ આરોપીઓ પોલીસને હાથતાળી આપીને ભાગતા ફરતા હતા. જો કે, બે મહિના જેટલો સમય વીતી ગયા બાદ આખરે લોકલ ક્રાઈમ બ્રાન્ચ (LCB) ને ચોક્કસ બાતમી મળી હતી. બાતમીના આધારે પોલીસે મુંબઈમાં દરોડો પાડીને ફરાર થઈ ગયેલા ત્રણેય મુખ્ય આરોપીઓને ગઈકાલે ઝડપી પાડ્યા હતા.
Advertisement
- Gondal માં બે મહિના પહેલા વેપારી પર હુમલાની ઘટના સામે આવી હતી
- ઘટનાના આરોપીઓને બે મહિના બાદ મુંબઇથી દબોચતી LCB
- આજે આરોપીઓને સાથે રાખીને ઘટનાનું રી કન્સ્ટ્ર્ક્શન કરવામાં આવ્યું
Gondal : ગોંડલમાં ધુળેટીની રાત્રે કૈલાશ કોમ્પ્લેક્સ પાસે એક વેપારી પર થયેલા જીવલેણ હુમલાના ચકચારી કેસમાં સ્થાનિક પોલીસને મોટી સફળતા મળી છે (Trader Attack Case). વેપારી પર હુમલો કરીને છેલ્લા બે મહિનાથી ફરાર થઈ ગયેલા ત્રણ મુખ્ય આરોપીઓને LCB (Gondal - Local Crime Branch) પોલીસે મુંબઈથી દબોચી લીધા છે. ધરપકડ બાદ આજે ચુસ્ત પોલીસ બંદોબસ્ત વચ્ચે આરોપીઓને સાથે રાખીને ઘટનાસ્થળનું રી-કન્સ્ટ્રક્શન (Re Construction) કરવામાં આવ્યું હતું. ઘટનાને પગલે વિસ્તારમાં ઉત્તેજના વ્યાપી જવા પામી હતી.
