Rajkot: શુદ્ધ પાણીના દાવા ફેલ, 22 સેમ્પલ ફેઇલ છતાં વિતરણ ચાલુ

કુલ 22 પાણીના સેમ્પલ ફેઇલ

પ્રાપ્ત વિગતો મુજબ, RMC ની વેબસાઇટ પર મોડા અપલોડ થયેલા આ રિપોર્ટમાં શહેરના વેસ્ટ ઝોનમાં 13, સેન્ટ્રલ ઝોનમાં 4 અને ઇસ્ટ ઝોનમાં 5 મળીને કુલ 22 પાણીના સેમ્પલ ફેઇલ (Water Samples Fail) થયા હોવાનું બહાર આવ્યું છે. અગાઉ એપ્રિલ મહિનામાં પણ 13 સેમ્પલ ફેઇલ ગયા હોવા છતાં તંત્ર દ્વારા કોઈ નક્કર પગલાં લેવામાં આવ્યા ન હતા. મ્યુનિસિપલ કમિશનર દ્વારા સુપર ક્લોરીન યુક્ત શુદ્ધ પાણી વિતરણ કરવાના દાવાઓ પોકળ સાબિત થયા છે, કારણ કે હજુ પણ અનેક વિસ્તારોમાં દૂષિત પાણી વિતરણ થઈ રહ્યું છે.

Rajkot: દોઢ વર્ષથી ગંદું પાણી આવતું હોવાની બૂમો ઉઠી

શહેરના વોર્ડ નંબર 3 સહિતના અનેક વિસ્તારોમાં છેલ્લા દોઢ વર્ષથી ગંદું પાણી આવતું હોવાની બૂમો ઉઠી રહી છે. સ્થાનિક રહીશો દ્વારા મેયર અને સત્તાધીશો સમક્ષ અનેકવાર રજૂઆતો કરવા છતાં માત્ર ખોટા આશ્વાસનો જ મળ્યા હોવાનો આક્ષેપ કરાઈ રહ્યો છે. 1400થી વધુ મકાનો દૂષિત પાણીનો શિકાર બની રહ્યા છે અને તેના કારણે બાળકો તેમજ વૃદ્ધો બીમાર પડી રહ્યા છે. દર મહિને પાણીજન્ય રોગચાળાના 1100 જેટલા કેસો નોંધાતા હોવા છતાં તંત્ર આંખ આડા કાન કરી રહ્યું છે, જેને લઈને રાજકોટવાસીઓમાં ભારે આક્રોશ જોવા મળી રહ્યો છે.'

આ પણ વાંચો: Junagadh માં પાણી ભરેલા ખુલ્લા કૂવામાં સિંહણ ખાબકી, મધરાતે વનવિભાગે કર્યું રેસ્ક્યુ