શાળાના વર્ગખંડોમાં જ્યાં બાળકોના ઘડતર અને સુરક્ષાની બાંહેધરી અપાતી હોય છે, ત્યાં જ શિક્ષકોની નજર સામે આવી હિંસક ઘટનાઓ ચિંતાનો વિષય બને છે. જેતપુરમાં બનેલા આ કિસ્સાએ સાબિત કરી દીધું છે કે સંચાલકો માત્ર બચાવ કરવામાં માહિર છે, પરંતુ બાળકોની સુરક્ષા મામલે કડક પગલાં લેવા અનિવાર્ય છે.
Rajkot Jetpur School Student Fight: રાજકોટ (Rajkot) જિલ્લાના જેતપુર (Jetpur) શહેરમાંથી શિક્ષણ જગતને શર્મસાર કરી દેતી એક અત્યંત ચોંકાવનારી અને હૃદય કંપાવનારી ઘટના સામે આવી છે. જેતપુરની જાણીતી આલ્ફા ઇંગ્લીશ સ્કૂલ (Alpha English School) માં ધોરણ 7 ના વર્ગખંડની અંદર બે વિદ્યાર્થીઓ વચ્ચે સામાન્ય બાબતે ઉગ્ર મારામારી થઈ હતી. આ બબાલ એટલી હદે વધી ગઈ કે એક ઉશ્કેરાયેલા છાત્રએ પોતાના હાથમાં પહેરેલું લોખંડનું કડું સીધું જ આર્યન નામના વિદ્યાર્થીના માથાના ભાગે ઝીંકી દીધું હતું, જેના કારણે માસૂમ વિદ્યાર્થી ગંભીર રીતે લોહીલુહાણ થઈ ગયો હતો.
શિક્ષકની હાજરી અને ઘોર બેદરકારીનો પર્દાફાશ
સૌથી આશ્ચર્યજનક બાબત તો એ છે કે આ ગંભીર ઘટના બની તે સમયે વર્ગખંડમાં કુણાલ (Kunal) નામના શિક્ષક પ્રત્યક્ષ રીતે હાજર જ હતા. શિક્ષકની નજર સામે જ બે વિદ્યાર્થીઓ જીવલેણ રીતે બાખડ્યા હોવા છતાં શિક્ષકે તેમને છોડાવવાની કે નિયંત્રણમાં રાખવાની તસ્દી ન લીધી, જે તેમની નિષ્ક્રિયતા અને ઘોર બેદરકારી (Teacher Negligence) દર્શાવે છે. ઘટના બાદ જ્યારે વાલીઓ સ્કૂલે પહોંચ્યા ત્યારે શાળા તંત્ર દ્વારા લૂલો બચાવ કરવામાં આવ્યો હતો કે જ્યારે બનાવ બન્યો ત્યારે "શિક્ષક ક્લાસમાં હાજર ન હતા." પરંતુ ક્લાસરૂમમાં લાગેલા સીસીટીવી (CCTV) કેમેરાના ફૂડ્સે શાળાના આ તમામ જૂઠ્ઠાણા અને શિક્ષકની હાજરીનો પર્દાફાશ કરી દીધો હતો.
Rajkot: લોહીલુહાણ પુત્રને જોઈ વાલીઓના જીવ તાળવે ચોંટ્યા
વર્ગખંડમાં લોહી વહેતી હાલતમાં રહેલા પોતાના બાળકનું લોહીથી ખરડાયેલું શર્ટ અને ગંભીર ઈજાઓ જોઈને વાલીઓના જીવ તાળવે ચોંટી ગયા હતા. સ્કૂલ જેવા પવિત્ર શૈક્ષણિક સંકુલમાં બાળકોની શારીરિક સુરક્ષા (Child Safety In School) ને લઈને શાળા પ્રશાસન અને જવાબદાર શિક્ષકની લાપરવાહી સામે હવે સ્થાનિક વાલીઓમાં અને શહેરમાં ભારે આક્રોશ ભભૂકી ઉઠ્યો છે.
આ પણ વાંચો: Tapi News : તાપીમાં હરિયાળી ક્રાંતિ, સોનગઢના સાદડવેલમાં DyCM હર્ષભાઈ સંઘવીની હાજરીમાં રોપાયા હજારો વૃક્ષો
