Rajkot: ગ્રામ્યમાં રેન્જ બાદ SMCનો સપાટો, વિજય ખાચરના ફાર્મ હાઉસમાંથી વિદેશી દારૂ ઝડપાયો

ફાર્મ હાઉસમાંથી કુલ 1556 વિદેશી દારૂની બોટલો મળી

મૂળ પ્રાપ્ત વિગતો અનુસાર, દરોડા દરમિયાન ફાર્મ હાઉસમાંથી કુલ 1556 વિદેશી દારૂની બોટલો મળી આવી હતી. બુટલેગરો દ્વારા આ વિદેશી દારૂનો જથ્થો ગુપ્ત રીતે સંગ્રહિત કરવામાં આવ્યો હતો. પોલીસે દારૂના આ મોટા જથ્થા ઉપરાંત સ્થળ પરથી એક કાર પણ જપ્ત કરી છે, જેનો ઉપયોગ દારૂની હેરાફેરી માટે થતો હોવાની શંકા વ્યક્ત કરવામાં આવી રહી છે. SMC ની આ અચાનક થયેલી કાર્યવાહીથી સ્થાનિક પોલીસ બેડામાં અને બુટલેગરોમાં ભારે ફફડાટ વ્યાપી ગયો છે.

Rajkot:  પોલીસે વિવિધ દિશામાં તપાસ હાથ ધરી

ઘટનાની ગંભીરતાને ધ્યાનમાં રાખીને સ્ટેટ મોનિટરિંગ સેલ દ્વારા ફાર્મ હાઉસના માલિક વિજય ખાચર તેમજ આ દારૂનો જથ્થો મોકલનાર અને તેની સાથે સંકળાયેલા અન્ય શખ્સોની સઘન શોધખોળ શરૂ કરવામાં આવી છે. આ ગેરકાયદે દારૂનું નેટવર્ક ક્યાં સુધી ફેલાયેલું છે અને અગાઉ કેટલો જથ્થો સપ્લાય કરવામાં આવ્યો છે તે દિશામાં પોલીસે તપાસના ચક્રો ગતિમાન કર્યા છે.

આ પણ વાંચો: Rajkot: દૂધમાં ભેળસેળ કરશો તો કોઈ ભલામણ નહીં ચાલે, જયેશ રાદડિયાની ખુલ્લી ચેતવણી