Gujarat Weather Forecast: ગુજરાત (Gujarat) માં ચોમાસું હવે આક્રમક મૂડમાં આવી ગયું છે. હવામાન વિભાગ (Meteorological Department) ની તાજી આગાહી અનુસાર, આગામી 7 (7 Days) દિવસ સુધી સમગ્ર રાજ્યમાં ભારેથી અતિ ભારે વરસાદ પડવાની સંભાવના છે. હવામાન નિષ્ણાતોના મતે, એકસાથે 5 શક્તિશાળી સિસ્ટમ સક્રિય થઈ છે. જેમાં ઓફશોર ટ્રફ (Offshore Trough), શીયર ઝોન (Shear Zone), અપર એર સાયક્લોનિક સર્ક્યુલેશન (Cyclonic Circulation), પશ્ચિમ બંગાળમાં લો પ્રેશર અને વેસ્ટર્ન ડિસ્ટર્બન્સનો સમાવેશ થાય છે. આ સિસ્ટમોના કારણે આગામી 5 અને 6 જુલાઈએ વરસાદનું જોર ચરમસીમાએ પહોંચશે.
ભારે વરસાદ સાથે 'રેડ એલર્ટ' જાહેર
હવામાન વિભાગે આજે રાજ્યના 8 વિસ્તારો માટે અત્યંત ભારે વરસાદની ચેતવણી સાથે રેડ એલર્ટ (Red Alert) જાહેર કર્યું છે. દક્ષિણ ગુજરાતના ભરૂચ (Bharuch), સુરત (Surat), નવસારી (Navsari), વલસાડ (Valsad), દમણ (Daman) અને દાદરા નગર હવેલી (Dadra and Nagar Haveli) માં આભ ફાટે તેવી સ્થિતિ સર્જાઈ શકે છે. બીજી તરફ, સૌરાષ્ટ્રના પોરબંદર (Porbandar), જૂનાગઢ (Junagadh), ભાવનગર (Bhavnagar), ગીર સોમનાથ (Gir Somnath) અને દીવ (Diu) માં પણ અત્યંત ભારે વરસાદની સંભાવના છે. વાવાઝોડા જેવા ભારે પવન (Strong Winds) સાથે તૂટી પડનારા આ વરસાદને કારણે નીચાણવાળા વિસ્તારોમાં પૂરની સ્થિતિ સર્જાઈ શકે છે.
ઓરેન્જ અને યલો એલર્ટ: રાજકોટ, વડોદરા અને જામનગરમાં આફત
અત્યંત ભારે વરસાદ ઉપરાંત, આજે રાજકોટ (Rajkot), અમરેલી (Amreli), વડોદરા (Vadodara), તાપી (Tapi) અને ડાંગ (Dang) જિલ્લામાં અતિ ભારે વરસાદની આગાહી (Orange Alert) આપવામાં આવી છે. જ્યારે આણંદ (Anand), પંચમહાલ (Panchmahal), છોટાઉદેપુર (Chhota Udepur), જામનગર (Jamnagar), દેવભૂમિ દ્વારકા (Dwarka) અને બોટાદ (Botad) માં ભારે વરસાદની સંભાવના (Yellow Alert) વ્યક્ત કરાઈ છે. સમગ્ર સૌરાષ્ટ્ર અને કચ્છ (Kutch) વિસ્તારમાં આગામી 4 દિવસ સુધી મેઘરાજા ધમાકેદાર બેટિંગ ચાલુ રાખશે.
અમદાવાદમાં હળવો વરસાદ અને ખેડૂતો માટે કડક ચેતવણી
રાજ્યના પાટનગર અને અમદાવાદ (Ahmedabad) શહેરની વાત કરીએ તો, અહીં આગામી દિવસોમાં વાદળછાયા વાતાવરણ વચ્ચે સામાન્યથી મધ્યમ વરસાદ (Light to Moderate Rain) થવાની શક્યતા છે. જો કે, દરિયાકાંઠાના વિસ્તારોમાં પરિસ્થિતિ ગંભીર હોવાથી હવામાન વિભાગે આગામી 5 દિવસ સુધી ખેડૂતો અને માછીમારોને દરિયો ન ખેડવાની કડક સૂચના આપી છે. સમગ્ર રાજ્યમાં 8 જુલાઈ સુધી ચોમાસાનો પ્રકોપ જોવા મળશે, જેથી ડિઝાસ્ટર મેનેજમેન્ટની ટીમોને એલર્ટ કરી દેવાઈ છે.
આ પણ વાંચો : Girnar Mountain પર 6 ઇંચ ધોધમાર વરસાદ, દામોદર કુંડમાં આવ્યા નવા નીર, જંગલ સોળે કળાએ ખીલ્યું
