Amrut Bharat Station Scheme: રાજકોટને પીએમ મોદીની મોટી ભેટ,ભક્તિનગર રેલવે સ્ટેશનનું 17 જુલાઈએ ઉદ્ઘાટન

કેન્દ્ર સરકારની 'અમૃત ભારત સ્ટેશન યોજના' હેઠળ કરાયું અદભુત નવીનીકરણ

આ રેલવે સ્ટેશનનો વિકાસ કેન્દ્ર સરકારની મહત્વકાંક્ષી 'અમૃત ભારત સ્ટેશન યોજના' (Amrut Bharat Station Scheme) હેઠળ કરવામાં આવ્યો છે. આ યોજનાનો મુખ્ય ઉદ્દેશ્ય દેશના જૂના સ્ટેશનોને આધુનિક સમયની જરૂરિયાતો મુજબ રીડેવલપ કરવાનો છે. નવનિર્મિત ભક્તિનગર સ્ટેશન પર હવે મુસાફરોને અદ્યતન લિફ્ટ, એર-કંડિશન્ડ વેઈટિંગ રૂમ, વિશાળ અને સુવ્યવસ્થિત પાર્કિંગ સુવિધા તેમજ સુંદર લેન્ડસ્કેપિંગ જોવા મળશે. વરિષ્ઠ નાગરિકો અને દિવ્યાંગો માટે પણ અહીં ખાસ સુવિધાઓ ઊભી કરાઈ છે.

પીએમ મોદીના હસ્તે લોકાર્પણથી સૌરાષ્ટ્રના રેલવે કનેક્ટિવિટીના વિકાસને વેગ મળશે

વડાપ્રધાન નરેન્દ્રભાઇ મોદીના હસ્તે આ રેલવે પ્રોજેક્ટ દેશને સમર્પિત થવાની સાથે જ સૌરાષ્ટ્રના પરિવહન ક્ષેત્રે એક નવો અધ્યાય શરૂ થશે. આ સ્ટેશન આધુનિક ઇન્ફ્રાસ્ટ્રક્ચરનું ઉત્તમ ઉદાહરણ પૂરું પાડે છે. લોકાર્પણના આ મુખ્ય કાર્યક્રમમાં રેલવે વિભાગના ઉચ્ચ અધિકારીઓ તેમજ સ્થાનિક સાંસદો અને ધારાસભ્યો પણ ડિજિટલ અને પ્રત્યક્ષ માધ્યમથી જોડાશે. આ સુવિધાથી રોજબરોજ મુસાફરી કરતા હજારો મુસાફરોનો પ્રવાસ વધુ સુખદ અને આરામદાયક બનશે.

આ પણ વાંચો: મિશન 2027: ચૂંટણી જીતવા માટે ભાજપ યુવા મોરચાએ અત્યારથી જ કમર કસી!