Rajkot માં એક જ પરિવારના 3 સભ્યોએ સામૂહિક આપઘાતનો પ્રયાસ કરતાં ખળભળાટ, એક મહિલાનું મોત, શું છે કારણ?

એક મહિલાનું મોત, બે સભ્યો સારવાર હેઠળ

પ્રાથમિક માહિતી મુજબ સામૂહિક આપઘાતના પ્રયાસમાં સ્મિતાબેન ખખરનું મોત થયું છે. જ્યારે દિલીપભાઈ ખખર અને નિશીથ ખખર ગંભીર હાલતમાં રાજકોટ સિવિલ હોસ્પિટલમાં દાખલ કરવામાં આવ્યા છે. તબીબોની ટીમ તેમની સારવાર કરી રહી છે અને તેમની સ્થિતિ પર સતત નજર રાખવામાં આવી રહી છે.

વ્યાજના ચક્રવ્યૂહમાં ફસાયા હોવાની પ્રાથમિક આશંકા

પ્રાથમિક તપાસમાં સામે આવ્યું છે કે પરિવાર વ્યાજના ચક્રવ્યૂહમાં ફસાયો હોવાની આશંકા છે. આર્થિક દબાણ અને સતત વધતા બોજના કારણે પરિવારે આ પગલું ભર્યું હોવાની શક્યતા પોલીસ તપાસમાં સામે આવી રહી છે. જોકે હાલ તમામ પાસાઓને ધ્યાનમાં રાખીને તપાસ ચાલી રહી છે અને તપાસ પૂર્ણ થયા બાદ જ ઘટનાનું સાચું કારણ સ્પષ્ટ થશે.

નિવૃત્ત PWD કર્મચારીનો પરિવાર

માહિતી અનુસાર, દિલીપભાઈ ખખર જાહેર બાંધકામ વિભાગ (PWD)ના નિવૃત્ત સરકારી કર્મચારી છે. તેમના પરિવાર સાથે બનેલી આ ઘટનાએ સમગ્ર વિસ્તારમાં શોક અને ચિંતા ફેલાવી છે. ઘટનાની જાણ થતાં સ્થાનિક લોકો પણ મોટી સંખ્યામાં એકત્ર થયા હતા.

પોલીસે શરૂ કરી સઘન તપાસ

પોલીસે ઘટનાસ્થળેથી જરૂરી પુરાવા એકત્ર કરવાની કાર્યવાહી હાથ ધરી છે. પરિવારજનો અને નજીકના લોકોના નિવેદનો લેવામાં આવી રહ્યા છે. સાથે જ વ્યાજખોરી અથવા અન્ય કોઈ કારણ જવાબદાર છે કે નહીં તે દિશામાં પણ તપાસ ચાલી રહી છે.

આ પણ વાંચોઃ Rajkot: પત્નીની કારખાનેદાર સાથે આંખ મળી ગઈ! પતિને જાણ થતાં કરી આવી હાલત