Rajkot Acid Attack News: માતાએ પુત્રી પર એસિડ ફેંક્યું, હોસ્પિટલ ચોકમાં ખૌફનાક દ્રશ્યો!
- Rajkot માં હૃદયકંપાવનારી એસિડ એટેકની ઘટના
- હોસ્પિટલ ચોકમાં માતાએ પુત્રી પર એસિડ ફેંક્યું
- બીજા લગ્નનો અણબનાવ અને ખૌફનાક અંજામ!
- દાઝેલી પુત્રી જીવ બચાવવા હોસ્પિટલ તરફ દોડી
- રાજકોટ એ ડિવિઝન પોલીસે તપાસ હાથ ધરી
Rajkot Acid Attack News: રાજકોટ શહેરમાં એક હૃદયકંપાવનારી ઘટના સામે આવી છે. સિવિલ હોસ્પિટલ ચોક (Civil Hospital Chowk) વિસ્તારમાં એક માતાએ પોતાની જ પુત્રી પર એસિડ ફેંકતા ચકચાર મચી ગઈ છે. બીજા લગ્ન બાદના સાસરિયા પક્ષ સાથેના વિવાદના પગલે આ લોહીયાળ ઘટના બની હોવાનું પ્રાથમિક તપાસમાં બહાર આવ્યું છે.
Rajkot માં એસિડ એટેકની ધટના આવી સામે
પ્રાપ્ત વિગતો અનુસાર, યુવતી અંજલિ (Anjali) ના બીજા લગ્ન બાદ તેના સાસરિયા સાથે અણબનાવ ચાલી રહ્યો હતો. આ વિવાદના ઉકેલ માટે માતા આશાબેન (Ashaben) દીકરીને તેડવા માટે સાસરે ગયા હતા. ત્યાંથી પરત ફરતી વખતે બંને માતા-પુત્રી એક ઓટો રિક્ષામાં મુસાફરી કરી રહ્યા હતા. રસ્તામાં કોઈ વાતને લઈને બંને વચ્ચે ઉગ્ર બોલાચાલી થઈ હતી.
હોસ્પિટલ ચોકમાં માતાનો ક્રૂર અંજામ
ઓટો રિક્ષા જ્યારે સિવિલ હોસ્પિટલ ચોક (Civil Hospital Chowk) પાસે પહોંચી ત્યારે માતા આશાબેને પુત્રી અંજલિ પર એસિડ ફેંક્યું હતું. અચાનક થયેલા આ હુમલાને પગલે અંજલિ ગંભીર રીતે દાઝી ગઈ હતી. જીવ બચાવવા માટે અંજલિ ચીસો પાડતી-પડતી જ નજીક આવેલી હોસ્પિટલમાં દોડી ગઈ હતી. હાલ યુવતીને તાત્કાલિક સારવાર માટે દાખલ કરવામાં આવી છે.
રાજકોટમાં હૃદયકંપાવનારી એસિડ એટેકની ઘટના સામે આવી
સિવિલ હોસ્પિટલ ચોકમાં માતાએ પુત્રી પર ફેંક્યું એસિડ
બીજા લગ્ન બાદ સાસરિયા સાથે અણબનાવ થતાં બની ઘટના
પુત્રીને સાસરેથી તેડીને પરત ફરતી વખતે થઈ બોલાચાલી
ઓટો રિક્ષામાંથી ઉતરી માતાએ દીકરી પર એસિડ ફેંક્યું
ગંભીર રીતે દાઝેલી પુત્રી જીવ… pic.twitter.com/NwnLcLVJQh— Gujarat First (@GujaratFirst) May 25, 2026
પોલીસ તપાસ શરૂ
આ સમગ્ર મામલે રાજકોટ એ ડિવિઝન પોલીસ (Rajkot A Division Police) મથકની ટીમ તાત્કાલિક ઘટનાસ્થળે અને હોસ્પિટલ પહોંચી હતી. પોલીસે પુત્રીના નિવેદનના આધારે માતા સામે કાયદેસરની કાર્યવાહી કરવાની પ્રક્રિયા હાથ ધરી છે. જાહેર રસ્તા પર બનેલી આ ઘટનાને પગલે આસપાસના વિસ્તારમાં ભારે ચર્ચા અને આક્રોશ જોવા મળ્યો હતો.