Rajkot : પરિણામ આવ્યા પહેલા જ કાર્યાલય પર ફટાકડા ફોડી ઉજવણી, ઉમેદવારોએ કહ્યું જીત નક્કી જ છે!
- Rajkot મા પરિણામ પૂર્વે જીતની ઉજવણી
- મતદાન પૂર્ણ થયા બાદ મધ્યસ્થ કાર્યાલય ખાતે ફટાકડા ફૂટયા
- સ્થાનિકો પણ વિચારમાં પડયા આ શેની ઉજવણી
- વીડિયો સોશિયલ મીડિયામાં થયો છે વાયરલ
- મતદાન કરીને ઘરે ના ગયા પણ ફટાકડા લેવા ગયા!
Rajkot : ગુજરાતમાં (gujarat) ચૂંટણીનો (election) માહોલ છે અને આવતીકાલે (tomorrow) પરિણામ (result )જાહેર થશે તેની પહેલા જ ઉત્સાહી જ કાર્યકર્તાઓએ ફટાકડા (firecrackers) ફોડીને ઉજવણી કરી હતી, રોડ પરથી પસાર થતા લોકો પણ વિચારમાં પડી ગયા હતા કે આ ઉજવણી શેની થઈ રહી છે, અને ફટાકડા ફૂટતા રહ્યાં હતા, તો ભાજપના કાર્યકર્તાઓએ ઉમેદવારોને હાર પણ પહેરાવ્યા હતા અને જીતનો વિશ્વાસ વ્યકત કર્યો હતો. મધ્યસ્થ કાર્યાલપ પર મોટી સંખ્યામાં બુથના કાર્યકર્તાઓ ઉજવણીમાં હાજર રહ્યાં હતા.
પરિણામ પૂર્વે જીતની ઉજવણી
રાજકોટ શહેર ભાજપના વોર્ડ નંબર 7,8,9 ના મધ્યસ્થ કાર્યાલય ખાતે ફટાકડા ફોડી મોડી રાત્રે ઉજવણી કરાઈ હતી અને મતદાન પૂર્ણ થયા બાદ મધ્યસ્થ કાર્યાલય ખાતે ફટાકડા ફોડી કરાઈ ઉજવણી અને આ ઉજવણીમાં મોટી સંખ્યામાં બુથ લેવલના કાર્યકર્તાઓ હાજર રહ્યાં હતા, વોર્ડ નંબર 7,8 અને 9 ના ઉમેદવારોએ પરિણામ આવ્યા પહેલા જ જીતનો વિશ્વાસ વ્યક્ત કર્યો હતો. વોર્ડ નંબર 7માં 41.61 ટકા, વોર્ડ નંબર 8માં 43.09 ટકા અને વોર્ડ નંબર 9માં 38.77 ટકા મતદાન થયું હોવાની વાત સામે આવી છે.
આવતીકાલે મતગણતરી યોજાશે
રાજકોટ મહાપાલિકાના 18 વોર્ડની 72 બેઠક માટે થયેલા મતદાનમાં શહેરના કુલ 9,85,952 મતદારોમાંથી કુલ 5,04,599 મતદારોએ મતદાન કર્યું છે. તેમાં 2,84,987પુરૂષ મતદારો અને 2,19,612 સ્ત્રી મતદારનો સમાવેશ થાય છે. શહેરમાં 55.87 ટકા પુરૂષ અને 46.15 ટકા સ્ત્રી મતદારોનો સમાવેશ થાય છે.આમ પુરૂષ કરતા સ્ત્રી મતદારોનું 9.72 ટકા ઓછુ મતદાન થયું છે. શહેરના18 વોર્ડમાંથી સૌથી વધુ સ્ત્રી મતદારોનું મતદાન વોર્ડ નં.4, 5, 6, 15 અને 16 નંબરમાં થયું છે. જ્યારે સૌથી ઓછુ વોર્ડ નં.1 અને 9 માં 40 ટકાથી પણ ઓછું મતદાન થયું છે. આ વખતે ઓબીસી અનામતના કારણે મહિલા ઉમેદવારોને મહિલા મતદારો ફળે છે કે કેમ તે હવે મંગળવારે થનાર મતગણતરીમાં ખબર પડશે.
આ પણ વાંચો : Rajkot: જરીનાબેનનો વોટ કોણ આપી ગયું? કોંગ્રેસ ઉમેદવારે ઉઠાવ્યો સવાલ