Rajkot : સિવિલ હોસ્પિટલ ફરી વિવાદમાં, કમ્પાઉન્ડમાં દારૂની બોટલો મળતા અનેક સવાલ!'

Rajkot સિવિલ હોસ્પિટલની જૂની બિલ્ડિંગનાં કમ્પાઉન્ડમાં દારૂની બોટલો મળી

રાજકોટની (Rajkot) સિવિલ હોસ્પિટલામાં દૈનિક ધોરણે મોટી સંખ્યામાં દર્દીઓ દૂર-દૂરથી સારવાર લેવા માટે આવતા હોય છે. ત્યારે રાજકોટની સિવિલ હોસ્પિટલ ફરી એકવાર વિવાદમાં સપડાઈ છે. સિવિલ હોસ્પિટલની જૂની બિલ્ડિંગનાં કમ્પાઉન્ડનો એક વીડિયો હાલ સોશિયલ મીડિયા પર વાઇરલ થયો છે, જેમાં કમ્પાઉન્ડમાં દારૂની બોટલો જોવા મળી રહી છે. જો કે, આ દારૂની બોટલો કોણે મૂકી ગયું ? અને કોણ લઈને આવ્યું હતું ? તે અંગે હાલ કોઈ સ્પષ્ટ માહિતી સામે આવી નથી. પરંતુ, આ મામલો સામે આવતા હોસ્પિટલ તંત્ર દોડતું થયું છે.

આ પણ વાંચો - Surat: સુરતની કોલેજમાં સ્પીચ આપતી યુવતીનું મોત, એકાએક ઢળી પડી

3 સભ્યની કમિટી બનાવાઈ, દાખલારૂપ કાર્યવાહી કરાશે!

રાજકોટ સિવિલ હોસ્પિટલનાં (Civil Hospital) કમ્પાઉન્ડમાં દારૂની બોટલો મળી આવતા અનેક સવાલ ઊભા થયા છે. ત્યારે હોસ્પિટલ તંત્ર દ્વારા પણ આ મામલે તપાસ માટે 3 સભ્યની કમિટી બનાવવામાં આવી છે, જે સીસીટીવી ફૂટેજ સહિતનાં અન્ય આધારે તપાસ કરશે અને દાખલારૂપ કાર્યવાહી કરશે. માહિતી અનુસાર, સિક્યુરિટી એજન્સી પાસે પણ આ મામલે ખુલાસો માંગવામાં આવશે. ઉપરાંત, પોલીસની મદદ લઈ પેટ્રોલિંગ વધારવાની રજૂઆત કરાશે. જૂની બિલ્ડિંગનાં કમ્પાઉન્ડમાં સિક્યુરિટી વધુ કડક કરાશે.

આ પણ વાંચો - Anand Crime: ખંભાતમાં પરિવારજનોને ઊંઘની ગોળીઓ આપી સગીરા દુષ્કર્મ પર ગુજાર્યું