Rajkot Crime News: ટ્યુશન ટીચરની ક્રૂરતા, માસૂમ બાળકને ગરમ તાવીથાથી આપ્યા ડામ, કહ્યું-"તમારે જે કરવું હોય તે કરી લો!"

Rajkot માં માસૂમ બાળકને ટ્યુશન ટીચરે ગરમ તાવીથાથી ડામ દીધા

મળતી માહિતી અનુસાર, ભોગ બનનાર બાળક કશ્યપ (ઉ.વ. 4.6 વર્ષ) છેલ્લા 5 થી 6 મહિનાથી શિક્ષિકા નિરાલી અશ્વિન પાસે ટ્યુશન માટે જતો હતો. ગત રોજ ટ્યુશન દરમિયાન બાળક લેખન કાર્ય (લખવાનું) ન કરતા શિક્ષિકા નિરાલી અશ્વિન ઉશ્કેરાઈ ગઈ હતી અને તેણે ગરમ તાવીથો બાળકના ડાબા પગના સાથળ પર અડવડાવીને ડામ આપી દીધા હતા. બાળક ઘરે પહોંચતા તેની માતા ગાયત્રી યાદવે ઈજા જોઈને પરિવારને જાણ કરી હતી.

શિક્ષિકાની દાદાગીરી

બાળકની હાલત જોઈ તેના કાકા વિશાલ યાદવ શિક્ષિકાના ઘરે ખુલાસો કરવા પહોંચ્યા હતા. ફરિયાદમાં જણાવ્યા મુજબ, શિક્ષિકાએ પોતાની ભૂલ સ્વીકારવાને બદલે ઉલટું ઉશ્કેરાઈને અપશબ્દો કહ્યા હતા અને "તમારે જે કરવું હોય તે કરી લો" તેવી ધમકી આપી હતી. બાળકના કાકાની ફરિયાદના આધારે પ્રધ્યુમનનગર પોલીસે આરોપી શિક્ષિકા નિરાલી અશ્વિન વિરુદ્ધ BNSની કલમ 352 અને 118 સહિતની જોગવાઈઓ હેઠળ ગુનો નોંધી વધુ તપાસ હાથ ધરી છે. ઈજાગ્રસ્ત બાળકને સારવાર માટે રાજકોટ સિવિલ હોસ્પિટલમાં ખસેડવામાં આવ્યો હતો, જ્યાંથી પ્રાથમિક સારવાર બાદ તેને રજા આપવામાં આવી છે.

આ પણ વાંચો: Chandipura Virus: ચાંદીપુરા વાયરસને લઈને રાજ્ય સરકાર એલર્ટ, મંત્રી પ્રફુલભાઈ પાનશેરીયાએ કરી સમીક્ષા બેઠક