Rajkot: સાંસદની ટકોર છતાં પાટીદાર સમાજમાં પૈસાનો વ્યવહાર! પત્નીએ 1 કરોડ માટે સાસરિયાં પર પથ્થરના ઘા કર્યા

Advertisement

રાજકોટ (Rajkot) માં પત્નીએ છૂટાછેડા માટે માગ્યા 1 કરોડ રૂપિયા

રાજકોટમાં એક ચર્ચિત છૂટાછેડાના કેસમાં પાટીદાર સમાજમાં ચાલતી પૈસાની માંગણીની પ્રથા ફરી એકવાર ચર્ચામાં આવી છે. થોડા દિવસ પહેલાં જ રાજકોટના સાંસદ પરસોત્તમ રૂપાલા (MP parasottam rupala) એ સુરત (Surat) ના જાહેર સ્ટેજ પરથી પાટીદાર સમાજમાં છૂટાછેડા વખતે પત્ની પક્ષ તરફથી ભારે રકમની માંગણી કરવાની પ્રથા પર તીવ્ર ટકોર કરી હતી. તેમણે કહ્યું હતું કે આવી પ્રથા સમાજ માટે હાનિકારક છે અને તેને બંધ કરવી જોઈએ.પરંતુ સાંસદની આ ટકોરના થોડા જ દિવસોમાં રાજકોટમાં એક એવી ઘટના બની છે જેણે આ મુદ્દાને ફરી ઉજાગર કરી દીધો છે.

 પત્નીએ સાસરિયાંઓને આપી જાનથી મારવાની ધમકી

અહીં એક પત્નીએ પોતાના પતિ કિરણ ધવા પાસેથી છૂટાછેડા માટે એક કરોડ રૂપિયાની માંગણી કરી છે. છેલ્લા બે વર્ષથી પતિ-પત્ની અલગ રહે છે.આ મામલે વધુ તીવ્રતા ત્યારે આવી જ્યારે પત્નીએ સાસુના ઘરે જઈને ધમાલ મચાવી હતી. તેણે પથ્થરોના ઘા માર્યા અને પરિવારને જાનથી મારી નાખવાની ધમકી પણ આપી હોવાનો આરોપ છે. આ ઘટના બાદ સાસુએ પુત્રવધૂ સામે ભક્તિનગર પોલીસ મથકમાં ફરિયાદ નોંધાવી છે. પોલીસે આ મામલે તપાસ શરૂ કરી દીધી છે અને બંને પક્ષોના નિવેદનો લઈ રહી છે.

આ ઘટના એ બતાવે છે કે સમાજમાં છૂટાછેડા વખતે નાણાકીય માંગણીઓ અને હિંસાના કિસ્સા હજુ પણ વધી રહ્યા છે. સાંસદ રૂપાલાની ટકોર છતાં આ પ્રથા યથાવત્ ચાલુ રહેવી એ ચિંતાનો વિષય છે.

આ પણ વાંચો: Studio on Wheels:"પ્રાકૃતિક ખેતી જ બચાવશે માનવજાત" રાજ્યપાલ Acharya Devvrat એ સમજાવ્યું પ્રાકૃતિક ખેતીનું મહત્વ