Rajkot News : સોની બજારમાં લાગેલી આગમાં મોટો ખુલાસો, NOC વગર ધમધમતી હતી દુકાન,જુઓ Video
Rajkot News : રાજકોટના ગીચ ગણાતા સોની બજાર વિસ્તારમાં ગુરુવારના રોજ આવેલી ‘દિયા ગોલ્ડ’નામની પેઢીમાં લાગેલી ભીષણ આગે સમગ્ર શહેરમાં ભારે ચકચાર મચાવી દીધી હતી. આ ઘટનામાં સદનસીબે મોટી જાનહાનિ ટળી હતી, પરંતુ ફાયર વિભાગની પ્રાથમિક તપાસમાં જે વિગતો સામે આવી છે, તે સુરક્ષાની દૃષ્ટિએ અત્યંત ગંભીર છે.
Rajkot News : ACમાં શોર્ટ સર્કિટ થયા બાદ લાગી હતી આગ
પ્રાથમિક તપાસમાં જાણવા મળ્યું છે કે, દિયા ગોલ્ડની પેઢી પાસે જરૂરી ‘ફાયર NOC’ જ નહોતી. ફાયર વિભાગના નિયમ મુજબ કોઈપણ કોમર્શિયલ મિલકતમાં અગ્નિશમનના સાધનો હોવા અનિવાર્ય છે, જે દિયા ગોલ્ડ નામની દુકાનમાં ન હતા. દુકાનમાં આગ લાગવાની ઘટનાની વાત કરીએ તો શરુઆતમાં ACમાં શોર્ટ સર્કિટથી થઈ હતી. આગે જોત જોતામાં વિકરાળ સ્વરુપ ધારણ કર્યું હતું અને ત્યાં રાખેલા ગેસ સિલિન્ડરમાં બ્લાસ્ટ થતા આસપાસના વિસ્તારમાં દોડધામ મચી ગઈ હતી.
દિયા ગોલ્ડ દુકાન NOC વગર ચાલતી હોવાનો ખુલાસો
રાજકોટમાં TRP અગ્નિકાંડથી થયો હોવા છતા પણ સોની બજારની દિયા ગોલ્ડ સહિતની અનેક દુકાનો પાસે ફાયર NOC ન હોવાનો પર્દાફાશ થયો છે. સોની બજારમાં લાગેલી આગે સુરક્ષા વ્યવસ્થાની પોલ ખોલી નાખી છે. અહીં અનેક મિલકત ધારકો પાસે ફાયર સેફ્ટીના સાધનો તો દૂર, ફાયર NOC પણ ઉપલબ્ધ નથી. સોની બજાર જેવી જગ્યાએ રહેણાંક અને કોમર્શિયલ બાંધકામ એકબીજાની બાજુમાં હોવાથી જોખમ અનેકગણું વધી જાય છે. અનેક લોકોએ રહેણાંક મકાનોને ગેરકાયદેસર રીતે કોમર્શિયલ શોરૂમમાં ફેરવી નાખ્યા છે, જેમાં વેન્ટિલેશન કે ઈમરજન્સી એક્ઝિટની કોઈ સુવિધા નથી.
Rajkot નું Sony Bazar હરતુફરતું જીવતું બૉમ્બ ! | Gujarat First
NOC વગર ધમધમતી દુકાનના બ્લાસ્ટથી આંખો ખુલશે?
રાજકોટ સોની બજારમાં આગ બાદ ઉઠ્યા સવાલ
રેસિડેન્શિયલ વિસ્તારનો કોમર્શિયલ ઉપયોગ થતાં સવાલ
જૂની સોની બજારમાં નિયમો નેવે મૂકી કરાય છે કામકાજ
બજારમાં 10,000થી વધુ ગેસ… pic.twitter.com/fW5Mw7BA8X— Gujarat First (@GujaratFirst) May 30, 2026
ઉલ્લેખનીય છે કે દિયા ગોલ્ડની ઘટના એ માત્ર એક કિસ્સો નથી, પરંતુ એક ચેતવણી છે. જો સમયસર આ કોમર્શિયલ બાંધકામોમાં તપાસ કરવામાં નહીં આવે, તો ભવિષ્યમાં મોટી દુર્ઘટના સર્જાઈ શકે છે. સ્થાનિક લોકો હવે વહીવટી તંત્ર દ્વારા કડક કાર્યવાહીની માંગ કરી રહ્યા છે, જેથી કરીને નિર્દોષ લોકોના જીવ બચાવી શકાય. તંત્ર હવે આ મામલે કેટલી ગંભીરતા દાખવે છે તે જોવું રહ્યું.