Rajkot Edible oil Price Hike: ખાદ્યતેલના ભાવમાં ભડકો, સીંગતેલ અને કપાસિયા તેલ ફરી મોંઘા થયા

Rajkot માં ખાદ્યતેલના ભાવમાં ભડકો

આજના આંકડા મુજબ, સીંગતેલમાં 30 રૂપિયા અને કપાસિયા તેલમાં 40 રૂપિયાનો વધારો થયો છે. છેલ્લા 15 દિવસની સ્થિતિ જોવામાં આવે તો, સીંગતેલમાં કુલ 165 રૂપિયા અને કપાસિયા તેલમાં 155 રૂપિયાનો તોતિંગ ભાવવધારો જોવા મળ્યો છે. વારંવાર થતા આ ભાવવધારાને કારણે સામાન્ય મધ્યમવર્ગીય પરિવારોની રસોઈ મોંઘી થઈ ગઈ છે.

વાવેતર ઘટતા ભાવમાં સતત તેજી

રાજકોટના બજારના જાણકારોના મતે, આ ભાવવધારા પાછળનું મુખ્ય કારણ કપાસિયા અને મગફળીનું ઓછું વાવેતર છે. માંગની સામે આવક ઓછી હોવાથી બજારમાં કૃત્રિમ અછત જેવી સ્થિતિ સર્જાઈ રહી છે, જેના કારણે ભાવ સતત ઊંચકાઈ રહ્યા છે. આગામી દિવસોમાં પણ તેલના ભાવમાં હજુ પણ વધારો થાય તેવી પ્રબળ શક્યતાઓ વ્યક્ત કરવામાં આવી રહી છે. ગૃહિણીઓ માટે આ સમાચાર ચિંતાજનક છે કારણ કે તહેવારોની સિઝન નજીક આવી રહી છે, ત્યારે તેલના ભાવ કાબૂમાં ન આવતા લોકોની મુશ્કેલીઓ વધી રહી છે.

આ પણ વાંચો: Surat Rain News: સુરતમાં મોડી રાતથી ભારે વરસાદ, VIP રોડ અને BRTS રૂટ ડૂબ્યો, તંત્રની પોલ ખૂલી