Rajkot Election Violence: ચૂંટણી પરિણામ બાદ લોહિયાળ જંગ, સોશિયલ મીડિયા વિવાદમાં છરીબાજી
- Rajkot માં ચૂંટણી પરિણામ બાદ લોહિયાળ જંગ
- સોશિયલ મીડિયા (Social Media) વિવાદમાં છરીબાજી
- ભાજપ-કોંગ્રેસ (BJP-Congress) કાર્યકરો વચ્ચે જૂથ અથડામણ
- કોંગ્રેસના મહિલા ઉમેદવારના પતિ ઇજાગ્રસ્ત
- બી ડિવિઝન પોલીસ મથકે ફરિયાદ (Complaint) દાખલ
Rajkot Election Violence:રાજકોટ શહેરમાં સ્થાનિક સ્વરાજની ચૂંટણીના પરિણામો (Election Results) બાદ રાજકીય ગરમાવો હવે હિંસક વળાંક લઈ રહ્યો છે. સોશિયલ મીડિયા (Social Media) પર શરૂ થયેલી સામાન્ય બોલાચાલીએ ગંભીર સ્વરૂપ ધારણ કરતા ભાજપ અને કોંગ્રેસના કાર્યકરો વચ્ચે જૂથ અથડામણ (Group Clash) થઈ હતી, જેમાં બે વ્યક્તિઓ ગંભીર રીતે ઘાયલ થયા છે.
Rajkot માં ચૂંટણી પરિણામ બાદ સોશિયલ મીડિયા વિવાદમાં છરીબાજી
ચૂંટણીના પરિણામો જાહેર થયા બાદ સોશિયલ મીડિયા પ્લેટફોર્મ પર બંને પક્ષના કાર્યકરો વચ્ચે ઉગ્ર ચર્ચાઓ અને આક્ષેપ-પ્રતિઆક્ષેપ (Accusations) થયા હતા. આ વિવાદના સમાધાન (Settlement) માટે જ્યારે બંને પક્ષો એકઠા થયા, ત્યારે મામલો વધુ બિચક્યો હતો અને વાત મારામારી સુધી પહોંચી ગઈ હતી.
ઇજાગ્રસ્તો
આ હુમલામાં વોર્ડ નંબર 4 ના કોંગ્રેસના મહિલા ઉમેદવારના પતિ સહિત બે લોકોને ગંભીર ઇજાઓ પહોંચી છે. તેમને તાત્કાલિક સારવાર (Treatment) માટે નજીકની હોસ્પિટલમાં ખસેડવામાં આવ્યા છે.
હુમલાખોરો
પ્રાપ્ત વિગતો મુજબ, નિલેશ ચૌહાણ અને અજય ચૌહાણ નામના શખ્સોએ હાર્દિક પરમાર અને અજય પર છરી (Knife) વડે જીવલેણ હુમલો કર્યો હતો.
પોલીસ કાર્યવાહી
આ હિંસક ઘટનાની જાણ થતા જ પોલીસ કાફલો ઘટનાસ્થળે પહોંચી ગયો હતો. હાલમાં બી ડિવિઝન પોલીસ દ્વારા આ સમગ્ર મામલે ગુનાહિત ફરિયાદ (Complaint) નોંધીને આગળની તપાસ (Investigation) હાથ ધરવામાં આવી છે. ચૂંટણી બાદ ફેલાયેલી આ અશાંતિને પગલે સ્થાનિક વિસ્તારમાં ચુસ્ત પોલીસ બંદોબસ્ત ગોઠવી દેવામાં આવ્યો છે.
રાજકોટમાં ચૂંટણી પરિણામ બાદ કાર્યકરો વચ્ચે બબાલ
વોર્ડ નંબર 4 ના કોંગ્રેસ મહિલા ઉમેદવારના પતિ પર હુમલો
બે જૂથો વચ્ચેની મારામારીમાં 2 લોકો ગંભીર રીતે ઇજાગ્રસ્ત
સમાધાન માટે ભેગા થયેલા ભાજપ-કોંગ્રેસના કાર્યકરો બાખડ્યા
નિલેશ અને અજય ચૌહાણ દ્વારા છરી વડે જીવલેણ હુમલો કરાયો
ગંભીર રીતે… pic.twitter.com/LKNKw38urW— Gujarat First (@GujaratFirst) April 29, 2026
આ પણ વાંચો: સ્થાનિક સ્વરાજ્યની ચૂંટણીમાં ભાજપાનો ભવ્ય વિજય: Amitbhai Shah એ જનતા અને કાર્યકરોનો માન્યો આભાર