Rajkot Fake Police: અસલી પોલીસના હાથે ઝડપાયો નકલી પોલીસ, રુ. 40 હજારનો મુદ્દામાલ જપ્ત

Rajkot માંથી વધુ એક નકલી પોલીસ ઝડપાયો

પ્રાપ્ત માહિતી અનુસાર, શાપર પોલીસ સ્ટેશનનો સ્ટાફ પેટ્રોલિંગમાં હતો દરમિયાન બાતમી અને શંકાના આધારે કોરાટ ચોક પાસેથી એક શખ્સ પોલીસ યુનિફોર્મમાં મળી આવ્યો હતો. પોલીસે તેની પૂછપરછ કરતાં તેણે પોતે પોલીસ વિભાગમાં ફરજ બજાવતો હોવાનું રટણ કર્યું હતું. જો કે, તેના જવાબમાં શંકા જણાતા પોલીસે વધુ કડકાઈથી તપાસ હાથ ધરી હતી, જેમાં તે નકલી પોલીસ હોવાનું બહાર આવ્યું હતું.

રૂ. 40,000 નો મુદ્દામાલ જપ્ત

શાપર પોલીસે આ મામલે કિશોર સલાટ નામના આરોપીની ધરપકડ કરી છે અને તેની પાસેથી અંદાજે રૂ. 40,000 નો મુદ્દામાલ જપ્ત કર્યો છે. પકડાયેલા આરોપી સામે ભારતીય ન્યાય સંહિતા (BNS) ની કલમ 204 અને 205 હેઠળ ગુનો નોંધીને શાપર પોલીસે તે યુનિફોર્મ ક્યાંથી લાવ્યો અને અગાઉ તેણે આ પ્રકારે કોઈ ગુનાખોરી આચરી છે કે કેમ, તે દિશામાં વધુ સઘન તપાસ હાથ ધરી છે.

આ પણ વાંચો:  Gujarat Rain Forecast: ચોમાસાએ ગુજરાતને કહી દીધુ અલવિદા! 8 વર્ષમાં સૌથી ઓછો વરસાદ, હવે હવામાન કેવો બદલશે મિજાજ?