Rajkot માં ભાજપની સભા બાદ બબાલ,બે મહિલાઓએ એકબીજાના વાળ ખેંચી કરી મારામારી
- રાજકોટ (Rajkot) ભાજપની સભા પૂર્ણ થયા બાદ મહિલાઓ બાખડી
- રાજકોટના નવાગામ આણંદપરમાં ભાજપની હતી સભા
- સભા પૂર્ણ થયા બાદ કોઈ કારણોસર મારામારી
- બે મહિલાઓએ એકબીજાના વાળ ખેંચી મારામારી કરી
- સમગ્ર ઘટનાનો વીડિયો થયો વાયરલ
- સભામાં ઉપસ્થિત લોકોએ મહિલાઓને માંડ છૂટી પાડી
Rajkot Women Fight: રાજકોટ (Rajkot) ના નવાગામ આણંદપર (Navagam Anandpar) વિસ્તારમાં ભારતીય જનતા પાર્ટીની એક ચૂંટણી સભા પૂર્ણ થયા બાદ અફરાતફરીનો માહોલ સર્જાયો હતો. કેબિનેટ મંત્રીની (Cabinet Minister) ઉપસ્થિતિમાં યોજાયેલા આ કાર્યક્રમમાં સભાના અંતે બે મહિલાઓ વચ્ચે કોઈ અકળ કારણોસર વિવાદ થયો હતો. આ વિવાદ એટલી હદે વણસ્યો હતો કે બંને મહિલાઓ જાહેરમાં એકબીજા સાથે બાખડી પડી હતી, જેનો વીડિયો હાલ સોશિયલ મીડિયામાં તેજ ગતિએ ફેલાઈ રહ્યો છે.
રાજકોટ (Rajkot) ભાજપની સભા પૂર્ણ થયા બાદ મહિલાઓ બાખડી
રાજકોટના નવાગામ આણંદપર (Navagam Anandpar) વિસ્તારમાં ભાજપ દ્વારા સ્થાનિક સ્વરાજની ચૂંટણીના પ્રચાર અર્થે સભાનું આયોજન કરવામાં આવ્યું હતું. આ સભામાં રાજ્યના કેબિનેટ મંત્રી પણ હાજર રહ્યા હતા. ત્યારે મંત્રીની સભા પૂર્ણ થયા બાદ અને તેઓના ગયા પછી તરત જ ત્યાં હાજર બે મહિલાઓ વચ્ચે શાબ્દિક ટપાટપી શરૂ થઈ હતી. જોતજોતામાં આ બોલાચાલીએ હિંસક સ્વરૂપ ધારણ કર્યું હતું અને બંને મહિલાઓએ જાહેરમાં એકબીજાના વાળ ખેંચીને મારામારી શરૂ કરી દીધી હતી.
લોકોએ માંડ-માંડ મહિલાઓને છૂટી પાડી
સભાના સ્થળે હાજર અન્ય કાર્યકરો અને સ્થાનિક લોકોઆ દ્રશ્ય જોઈને દોડી આવ્યા હતા. ઉશ્કેરાયેલી બંને મહિલાઓને હાજર લોકોએ મહામહેનતે અને માંડ-માંડ છૂટી પાડી હતી. આ ઘટનાને કારણે સભાના સ્થળે થોડો સમય અફરાતફરીનો માહોલ રહ્યો હતો.
વીડિયો થયો વાયરલ
આ સમગ્ર મારામારીની ઘટના ત્યાં હાજર કોઈ વ્યક્તિએ પોતાના મોબાઈલમાં કેદ કરી લીધી હતી. હાલમાં આ વાયરલ વીડિયો (Viral Video) રાજકીય વર્તુળો અને લોકોમાં ચર્ચાનો વિષય બન્યો છે. સભામાં શિસ્તના દાવાઓ વચ્ચે થયેલી આ મારામારીએ અનેક સવાલો ઉભા કર્યા છે. સ્થાનિક સ્વરાજની ચૂંટણીના (Local Body Elections) પ્રચારમાં અત્યારે ગરમાવો જોવા મળી રહ્યો છે, ત્યારે રાજકોટમાં બનેલી આ ઘટનાએ સોશિયલ મીડિયા પર લોકોનું ધ્યાન ખેંચ્યું છે. જોકે, આ મારામારી પાછળનું ચોક્કસ કારણ હજુ સુધી જાણી શકાયું નથી.
આ પણ વાંચો: Gujarat News Today: આજે 17 એપ્રિલ 2026 ના દિવસે શું થશે ગુજરાતમાં?