Rajkot News: જો તમે બાળકોને ચોકલેટ આપો છો તો સાવધાન! મોટા પ્રમાણમાં એક્સપાયરી ડેટનો જથ્થો જપ્ત
Rajkot News: રાજકોટ શહેરમાં છેલ્લા કેટલાક સમયથી ખાદ્ય પદાર્થોમાં ભેળસેળ અને એક્સપાયરી ડેટની વસ્તુઓના વેચાણની ફરિયાદો વધી રહી છે. ત્યારે હવે બાળકોની મનપસંદ ચોકલેટ પણ સુરક્ષિત નથી. વાલીઓ માટે આ ગંભીર ચેતવણી છે કે બજારમાંથી ચોકલેટ ખરીદતી વખતે ખાસ તેની એક્સપાયરી ડેટ તપાસવી જોઈએ, કારણ કે શહેરના એક જાણીતા ચોકલેટ સ્ટોર પર થયેલા દરોડાએ સૌને ચોંકાવી દીધા છે.
ડાયમંડ ચોકલેટ સ્ટોરમાં દરોડા
રાજકોટ આરોગ્ય વિભાગની ટીમને મળેલી ગુપ્ત બાતમીના આધારે શહેરના ડાયમંડ ચોકલેટ સ્ટોર અને તેના ગોડાઉનમાં તપાસ હાથ ધરવામાં આવી હતી. તપાસ દરમિયાન જે વિગતો સામે આવી તે અત્યંત ચોંકાવનારી હતી. સ્ટોરમાં એવી અનેક ચોકલેટોનો જથ્થો મળી આવ્યો હતો જેની વપરાશની સમયમર્યાદા (Expiry Date) મહિનાઓ પહેલા પૂર્ણ થઈ ગઈ હતી. આરોગ્ય અધિકારીઓએ તરત જ આ આખા સ્ટોકને સીલ કરી જપ્ત કરવાની કાર્યવાહી હાથ ધરી હતી.
ગોડાઉનમાંથી નીકળ્યો એક્સપાયરી માલનો ખડકલો
આરોગ્ય વિભાગે માત્ર સ્ટોરમાં જ નહીં, પરંતુ તેના મુખ્ય ગોડાઉનમાં પણ તપાસ કરી હતી. અહીંથી મોટા પ્રમાણમાં એવી ચોકલેટો મળી આવી છે જેના પેકિંગ પરની માહિતી પણ અસ્પષ્ટ છે અથવા તો ચેડાં કરેલી છે. બાળકોના સ્વાસ્થ્ય સાથે કરવામાં આવતી આ ગંભીર બેદરકારી બદલ વિભાગે સ્થળ પર જ કડક સૂચનાઓ આપી હતી. વેપારીઓ દ્વારા આ જૂનો માલ સસ્તા ભાવે કે ફરીથી પેકિંગ કરીને વેચવાનો પ્રયાસ કરવામાં આવતો હોવાની શંકા પણ સેવાઈ રહી છે.
આ પણ વાંચોઃ Bhavnagar News: 'વેન્ટિલેટર કાઢી નાખતા મોત', સર ટી હોસ્પિટલ સામે દર્દીના પરિવાર આક્ષેપો