Rajkot : બોગસ ડોક્ટર મામલે હવે IMA મેદાને! CM અને આરોગ્યમંત્રીને પત્ર લખી કરી આ માગ

1. રાજ્યમાં બોગસ તબીબોને લઇ હવે IMA મેદાને! (Rajkot)
2. મુખ્યમંત્રી અને આરોગ્યમંત્રીને પત્ર લખીને કરી માગ
3. દંડ અને સજાનાં જૂના કાયદામાં ફેરફાર કરી સખત સજા કરવા કરી માગ

Rajkot : રાજ્યમાં બોગસ ડોક્ટરોનો (Bogus Doctors) રાફડો ફાટ્યો તેવો ઘાટ સર્જાયો છે. અમદાવાદ, રાજકોટ, સુરત, બનાસકાંઠા સહિત વિવિધ જિલ્લાઓમાં ડિગ્રી વગરનાં અને બોગસ ડિગ્રી સાથેનાં નકલી તબીબો ઝડપાયા છે. ત્યારે આ મામલે હવે ઈન્ડિયન મેડિકલ એસોસિએશન (IMA) મેદાને આવ્યું છે અને મુખ્યમંત્રી અને આરોગ્યમંત્રીને પત્ર લખી જૂના કાયદામાં ફેરફાર કરવા માગ કરી છે.

આ પણ વાંચો -Weather Forecast : આગામી દિવસોમાં ગાત્રો થીજવતી ઠંડી પડશે! જાણો હવામાન વિભાગની આગાહી વિશે

60 વર્ષ જૂના કાયદામાં ફેરફાર કરવા IMA ની માગ!

પ્રાપ્ત માહિતી અનુસાર, રાજ્યમાં એક પછી એક ઝોલાછાપ તબીબોની (Bogus Doctors) ધરપકડની ઘટનાઓ સામે આવતા હવે આ મામલે ઈન્ડિયન મેડિકલ એસોસિએશને (IMA) મુખ્યમંત્રી અને આરોગ્યમંત્રીને પત્ર લખી બોગસ ડોકટરો સામે કાર્યવાહીનાં જૂના કાયદામાં ફેરફાર કરવાની માગ કરી છે. લોકોનાં આરોગ્ય સાથે ચેડાં કરતા ઇસમોને માત્ર સામાન્ય સજા મળતી હોવાથી કોઈ જ અસર થતી નથી. જરૂરી લાયકાત ધરવતા ન હોય તેવા લોકોએ મેડિકલ પ્રેક્ટિસ એક્ટ 1963 પ્રકરણ 5 થી પ્રતિબંધ ફરમાવેલ છે. 60 વર્ષ પહેલાં કાયદો અમલમાં લાવવામાં આવેલ છે જે આજે પણ યથાવત છે, જેમાં હવે ફેરફાર કરવાની જરૂર છે.

આ પણ વાંચો -Surat: અમરેલી લેટર કાંડ કેસમાં અલ્પેશ કથીરીયા તથા સાવરકુંડલાના કોંગ્રેસના પૂર્વ MLA પ્રતાપ દુધાત મેદાનમાં આવ્યા

દંડ અને સજામાં વધારો કરવા માગ

ઈન્ડિયન મેડિકલ એસોસિએશને (IMA) પત્ર લખીને જણાવ્યું કે, બોગસ ડોકટર ઝડપાય તો પ્રથમ ગુનામાં 500 રૂપિયા દંડ અને કેદની સજા થતી નથી. જ્યારે બીજી વાર પકડાય તો 500 રૂપિયા દંડ અને 6 માસની કેદની જોગવાઈ છે. જો પછી પકડાય તો 2 વર્ષ સજા અથવા રૂ. 2000 નો દંડ અને બંનેની પણ અમલવારી થઈ શકે તેમ છે. આ સજા અને દંડ હાલનાં સમયમાં નહિંવત છે, જેથી અભ્યાસ વગર મેડિકલ પ્રેક્ટિસ (Medical Practice) કરતા લોકોને કાયદાનો ડર રહ્યો નથી. આથી, કાયદામાં ફેરફર કરી દંડ અને સજામાં વધારો કરવા માગ કરવામાં આવી છે.

આ પણ વાંચો -Gujarat: રાજ્યના 17 IAS અધિકારીઓને પ્રમોશન આપવામાં આવ્યું, જાણો કોને બઢતી મળી