Rajkot News: રાજકોટમાં જંગલેશ્વર ડિમોલિશન વિવાદ, 24 લાખના શંકાસ્પદ બિલવાળી કંપનીને જ ફરી મળ્યો કોન્ટ્રાક્ટ!

Rajkot માં કૌભાંડના આક્ષેપવાળી 'બાલાજી એન્ટરપ્રાઇઝ' કંપની પર અધિકારીઓની કૃપા દ્રષ્ટિ યથાવત

પ્રાપ્ત વિગતો અનુસાર, ડિમોલિશનના વીડિયોગ્રાફી બિલને લઈને કૌભાંડના ગંભીર આક્ષેપો થયા હતા. આ મામલે રાજકોટ મનપાના મેયર નેહલ શુક્લ દ્વારા પત્રકાર પરિષદ બોલાવીને કસૂરવારો સામે કડક કાર્યવાહી કરવાની મોટી મોટી વાતો અને ખાતરી આપવામાં આવી હતી. તંત્ર દ્વારા આ મામલે તપાસ કમિટી પણ બનાવવામાં આવી હતી, પરંતુ વિવેચકોના મતે આ તપાસ કમિટી માત્ર મામલો થાળે પાડવા અને ભીનું સંકેલવાનો પ્રયાસ માત્ર સાબિત થઈ રહી છે.

મનપાના ઉચ્ચ અધિકારીઓની ભૂમિકા શંકાના ઘેરામાં

એક તરફ તંત્ર કૌભાંડની તપાસના નાટક કરી રહ્યું છે, તો બીજી તરફ કૌભાંડના આક્ષેપોથી ઘેરાયેલી કંપનીને જ ફરીથી કામગીરી સોંપવામાં આવતા મનપાના ઉચ્ચ અધિકારીઓની ભૂમિકા શંકાના ઘેરામાં આવી ગઈ છે. પાલિકાના કોઈ ભ્રષ્ટ અધિકારીના 'ચાર હાથ' આ કંપની પર હોવાની ચર્ચાઓ પણ શહેરમાં જોરશોરથી ચાલી રહી છે, જેના કારણે સામાન્ય જનતા અને વિરોધ પક્ષોમાં રોષ જોવા મળી રહ્યો છે.

આ પણ વાંચો:  Surat Crime News: "મને સીધી છોકરીઓને હેરાન કરવામાં મજા આવે છે..." સાયબર બ્લેકમેલથી કંટાળી સુરતની છાત્રાએ જીવન ટૂંકાવ્યું