Rajkot Jangleshwar Scam: 'ઉલટા ચોર કોતવાલને ડાંટે' જેવો ઘાટ, જંગલેશ્વર કૌભાંડ ઉજાગર કરનાર કર્મચારીને સજા આપવાની ભલામણ

કૌભાંડીઓ ખુલ્લેઆમ, કર્મચારી ભીંસમાં

પ્રાપ્ત માહિતી અનુસાર, ઓડિટ શાખાના જે કર્મચારીએ કૌભાંડના પુરાવા મીડિયાને આપ્યા હતા, તેમનું IP એડ્રેસ ટ્રેસ કરી લેવામાં આવ્યું છે. તંત્ર દ્વારા કૌભાંડીઓને શોધવાને બદલે જે કર્મચારીએ સત્ય ઉજાગર કર્યું છે, તેની સામે જ ખાતાકીય પગલાં લેવાની ભલામણ કરવામાં આવી છે. આ ઘટનાને લઈને મહાનગરપાલિકાના અન્ય કર્મચારીઓમાં પણ ભય અને રોષનો માહોલ જોવા મળી રહ્યો છે.

તંત્રની કામગીરી પર ઉઠ્યા સવાલો

સૌથી મોટો સવાલ એ છે કે જો આટલું મોટું કૌભાંડ થયું હોય, તો તેની તપાસ કરીને જવાબદારો સામે કાર્યવાહી કરવાને બદલે માહિતી આપનારને જ સજા કેમ? રાજકોટમાં હાલ આ મુદ્દો ચર્ચાનો વિષય બન્યો છે. શું ભ્રષ્ટાચાર સામે અવાજ ઉઠાવવો હવે ગુનો બની ગયો છે? તેવો પ્રશ્ન લોકો પૂછી રહ્યા છે. આ પ્રકારના વલણથી ભ્રષ્ટ અધિકારીઓને પ્રોત્સાહન મળી રહ્યું હોવાની ચર્ચાઓ પણ તેજ થઈ છે.

આ પણ વાંચો:  Mehsana News: વરસાદી પાણીમાં ડૂબ્યું કડીનું ડરણ ગામ, 10 વર્ષથી પાણીના નિકાલનો અભાવ, લોકોમાં ભારે રોષ