"આ દીકરી મારી છે..." યુવકના વિચિત્ર દાવા અને ધમકીથી કંટાળી રાજકોટમાં પિતા-પુત્રીનો આપઘાત

પત્ની અન્ય યુવક સાથે ભાગી જતાં અને ધમકીઓ મળતાં પગલું ભર્યાનો આરોપ

મૃતકના પરિવારજનો દ્વારા આ ઘટના પાછળ પત્નીના પ્રેમસંબંધ અને અન્ય યુવક દ્વારા અપાતી ધમકીઓને જવાબદાર ગણાવવામાં આવી રહી છે. પરિવારાના આક્ષેપ મુજબ, ફિયાઝભાઈની પત્ની થોડા સમય પહેલાં લાલો ખીમાણી (Lalo Khimani) નામના યુવક સાથે ભાગી ગઈ હતી. આરોપી લાલો ખીમાણી અવારનવાર ફોન પર ફિયાઝભાઈને ધમકી (Threat) આપતો હતો અને પત્ની પાસે છૂટાછેડા (Divorce) લેવા તેમજ અઢી વર્ષની દીકરી તેને સોંપી દેવા માટે સતત માનસિક દબાણ (Mental Pressure) કરતો હતો.

દીકરી પોતાની હોવાનો યુવક કરતો હતો દાવો, પોલીસે શરૂ કરી તપાસ

પરિવારના જણાવ્યા અનુસાર, આરોપી યુવક એવો ચોંકાવનારો દાવો કરતો હતો કે આ અઢી વર્ષની દીકરી ફિયાઝભાઈની નહીં પરંતુ તેની પોતાની છે. આ સતત સતામણી અને માનસિક ત્રાસથી કંટાળીને આખરે પિતાએ માસૂમ પુત્રી સાથે જીવન ટૂંકાવી લીધું હોવાના ગંભીર આક્ષેપો પરિવારે લગાવ્યા છે.

ઘટનાની જાણ થતાં જ સ્થાનિક પોલીસ (Police) કાફલો તાત્કાલિક ઘટનાસ્થળે દોડી ગયો હતો. પોલીસે બંને મૃતદેહને પાણીની ટાંકીમાંથી બહાર કાઢી પીએમ (Post Mortem - PM) અર્થે હોસ્પિટલ ખસેડ્યા છે અને વાયરલ વિગતો તેમજ પરિવારના આક્ષેપોના આધારે કાયદેસરની તપાસ (Investigation) હાથ ધરી છે.