Rajkot: નારપાટ ચેકડેમમાં ડૂબી જતા 2ના મોત, વિસ્તારમાં ફેલાયો શોકનો માહોલ

બંનેના ડૂબી જવાથી કમકમાટીભર્યા મોત

પ્રાપ્ત વિગતો અનુસાર, વસીમ પરમાર અને કાદિર ડોઢિયા સહિત પાંચથી છ મિત્રો નારપાટ ચેકડેમ ખાતે ન્હાવા માટે ગયા હતા. મસ્તી અને મોજ-મસ્તી દરમિયાન અચાનક પાણીના પ્રવાહ કે ઊંડાણનો અંદાજ ન રહેવાથી આ યુવકો ડૂબવા લાગ્યા હતા. આ ઘટનામાં 20 વર્ષીય યુવાન વસીમ પરમાર (Vasim Parmar) તેમજ 17  વર્ષીય સગીર કાદિર ડોઢિયા (Kadir Dodhiya) પાણીમાં ડૂબી જવાથી ગંભીર સ્થિતિમાં મુકાયા હતા અને સમયસર મદદ ન મળવાને કારણે બંનેના ડૂબી જવાથી કમકમાટીભર્યા મોત નિપજ્યા હતા.

Rajkot:  બંનેના મૃતદેહને પાણીમાંથી બહાર કાઢાયા

ઘટનાની જાણ થતાં જ આસપાસના સ્થાનિક લોકો તાત્કાલિક નદી કિનારે દોડી આવ્યા હતા અને બચાવ કામગીરીનો પ્રયાસ કર્યો હતો. આ સાથે જ પોલીસ વિભાગ (Police Department) ના ઉચ્ચ અધિકારીઓ અને પોલીસ કાફલો પણ ત્વરિત ગતિએ ઘટનાસ્થળે દોડી આવ્યો હતો. પ્રશાસન દ્વારા તાત્કાલિક ધોરણે બંને યુવકોના મૃતદેહને પાણીમાંથી બહાર કાઢીને પોસ્ટમોર્ટમ (Postmortem) અર્થ સરકારી હોસ્પિટલ ખસેડવામાં આવ્યા છે. ઘટનાસ્થળે મોટી સંખ્યામાં સ્થાનિક લોકોના ટોળા ઉમટી પડ્યા હતા અને યુવાનોના અચાનક મોતના કારણે સમગ્ર પંથકમાં ચકચાર મચી ગઈ છે. તંત્ર દ્વારા વારંવાર અપીલ કરવામાં આવે છે કે ચેકડેમ કે નદીઓમાં ન્હાવા માટે પડવું જોખમી સાબિત થઈ શકે છે, તેમ છતાં આવી દુર્ઘટનાઓ અટકવાનું નામ નથી  રહી.

આ પણ વાંચો: Rajkot: સૌરાષ્ટ્રમાં ભારે વરસાદનું એલર્ટ, વહીવટી તંત્ર, જિ.પંચાયત, મનપાના અધિકારીઓ સાથે બેઠક