Rajkot News: જેતપુરમાં યુવાને ઝેરી દવા પી આપઘાત કરી લેતાં ચકચાર

મીઠાઈના વ્યવસાય સાથે જોડાયેલો હતો યુવાન

મૃતક યુવાનની ઓળખ પોરબંદર જિલ્લાના રાણાવાવ (Ranavav) ના રહેવાસી પ્રતીક પ્રફુલભાઈ દાસાણી (ઉ.વ. 30) તરીકે થઈ છે. પ્રાથમિક તપાસમાં જાણવા મળ્યા મુજબ, પ્રતીક રાણાવાવ અને રાણા કંડોરણામાં મીઠાઈનો વ્યવસાય (Sweet Business) કરતો હતો. એક સુખી અને વ્યવસાયિક રીતે સક્રિય યુવાને છેક રાણાવાવથી જેતપુર આવીને આ પ્રકારનું પગલું શા માટે ભર્યું, તે પ્રશ્ન હાલમાં રહસ્યના ઘેરામાં છે.

આપઘાત પાછળનું કારણ અકબંધ

ઘટનાની જાણ થતા જ આસપાસના લોકો દોડી આવ્યા હતા. યુવાને ઝેરી દવા (Poison) પી લીધા બાદ તેને તાત્કાલિક સારવાર માટે પહેલા ખાનગી હોસ્પિટલ (Private Hospital) અને ત્યારબાદ જેતપુરની સરકારી હોસ્પિટલ (Government Hospital) ખાતે ખસેડવામાં આવ્યો હતો. જોકે, ત્યાં ફરજ પરના તબીબે તપાસીને યુવાનને મૃત જાહેર કર્યો હતો. આ ઘટના બાદ જેતપુર તાલુકા પોલીસે (Taluka Police) મૃતદેહનો કબજો મેળવીને પોસ્ટમોર્ટમ (Post-Mortem) અર્થે મોકલી આપ્યો છે. હાલ પોલીસ દ્વારા આપઘાત પાછળના ચોક્કસ કારણો જાણવા માટે સઘન તપાસ (Investigation) શરૂ કરવામાં આવી છે. આ આકસ્મિક મૃત્યુથી પરિવારજનોમાં શોકનું મોજું ફરી વળ્યું છે.

આ પણ વાંચોઃ Rajkot: હવે સારવાર માટે અમદાવાદ, સુરત કે મુંબઈ સુધી લાંબા નહીં થવું પડે: સૌરાષ્ટ્રના દર્દીઓને ઘરઆંગણે મોટી રાહત