Rajkot News: નરેશ પટેલના ‘આરામ’ના નિવેદન બાદ DYCM હર્ષભાઈ સંઘવી સાથેની પ્રથમ મુલાકાત, શું નવાજૂનીના સંકેત?

DYCM હર્ષભાઈ સંઘવી અને નરેશ પટેલની મુલાકાત

નોંધનીય છે કે, તાજેતરમાં નરેશ પટેલે સ્પષ્ટ સંકેત આપ્યા હતા કે, તેઓ વર્ષ 2027 થી નિવૃત્તિ લેવાનું વિચારી રહ્યા છે. તેમણે કહ્યું હતું કે, "હું ઘણા વર્ષોથી આરામ લેવાનું વિચારી રહ્યો છું, પરંતુ જવાબદારીઓને કારણે તે શક્ય બન્યું નથી. હવે મારી ટીમ સક્ષમ છે અને સંસ્થાનું સંચાલન કરી શકે તેમ છે, તેથી હું આરામ લઈ શકું છું." જોકે, તેમણે સાથે જ એ સ્પષ્ટતા પણ કરી હતી કે તેમનો પરિવાર ખોડલધામમાં ક્યારેય તેમની જગ્યા નહીં લે.

નરેશ પટેલે શું કરી હતી જાહેરાત?

નોંધનીય છે કે, ખોડલધામ સંસ્થાને જાન્યુઆરી 2027 માં 10 વર્ષ પૂર્ણ થઈ રહ્યા છે, જેના ઉપલક્ષમાં જાન્યુઆરીમાં ભવ્ય 'દશાબ્દી મહોત્સવ'નું આયોજન કરવામાં આવ્યું છે. આ મહોત્સવને લઈને આજે રથનું પણ પ્રસ્થાન કરાવવામાં આવ્યું હતું. આ કાર્યક્રમ દરમિયાન નરેશ પટેલે સ્પષ્ટ સંકેત આપ્યા હતા કે તેઓ વર્ષ 2027 થી નિવૃત્તિ લેવાનું વિચારી રહ્યા છે. જે પછી નરેશભાઈ પટેલ શું કરશે કોઈ રાજકીટ પાર્ટીમાં જોડાશે ? તેવી અનેક અટકળો શરુ થઈ હતી.

રાજકીય ગલિયારાઓમાં તેજ ચર્ચાઓ

આ અટકળો વચ્ચે નાયબ મુખ્યમંત્રી હર્ષભાઈ સંઘવીની મુલાકાતથી અનેક ચર્ચાઓ શરુ થઈ છે. રાજકીય દ્રષ્ટિએ આ મુલાકાતને ખૂબ જ મહત્વપૂર્ણ માનવામાં આવી રહી છે, ખાસ કરીને જ્યારે નરેશ પટેલના રાજકીય પ્રવેશ અંગે સતત અટકળો સેવાઈ રહી છે.

આ પણ વાંચો:  Bhavnagar News: સિહોરના બોરડી ગામે પ્લોટની માથાકૂટમાં ખેલાયું ધિંગાણું, ૩ વ્યક્તિઓને ગંભીર ઈજા