'MLA Gopal Italia એ ખેડૂતોનો એક પણ પ્રશ્ન ઉઠાવ્યો નથી' AAP સાથે છેડો ફાડતાં જ આગાહીકાર Paresh Goswami ના આક્ષેપ
- આગાહીકાર Paresh Goswami એ પાર્ટી છોડતાં જ MLA Gopal Italia પર આક્ષેપ
- ચૂંટણી પહેલા ખેડૂત નેતાએ કર્યા ચોંકાવનારા ખુલાસા
- "AAP ખેડૂતોનો માત્ર વોટ બેંક તરીકે ઉપયોગ કરે છે"
સ્થાનિક સ્વરાજની ચૂંટણીઓ (Local Body Elections) માટે આવતીકાલે 26 અપ્રિલે મતદાન થવાનું છે. ત્યારે મતદાન પૂર્વે રાજકીય ગરમાવો તેજ બન્યો છે. આમ આદમી પાર્ટી (AAP) ના પૂર્વ નેતા અને આગાહીકાર પરેશભાઈ ગોસ્વામી (Paresh Goswami) એ પત્રકાર પરિષદ (Press Conference) યોજીને પક્ષ સાથેના તમામ સંબંધો તોડી નાખ્યા છે. સાથે જ AAP ધારાસભ્ય ગોપાલભાઈ ઈટાલિયા (MLA Gopal Italia) સામે ગંભીર આક્ષેપો કરતાં ખળભળાટ મચ્યો છે.
ખેડૂતોનો વોટ બેંક તરીકે ઉપયોગ કરવાનો ગંભીર આક્ષેપ
આગાહીકાર પરેશભાઈ ગોસ્વામીએ પક્ષ છોડવાની સાથે જ આમ આદમી પાર્ટી પર આકરા પ્રહારો કર્યા હતા. તેમણે જણાવ્યું કે AAP ખેડૂતોના હિતની વાતો તો કરે છે, પરંતુ વાસ્તવમાં તેમનો ઉપયોગ માત્ર વોટ બેંક (Vote Bank) તરીકે જ કરવામાં આવે છે. ખેડૂતોના નામે પક્ષ છેતરપિંડી (Fraud) કરી રહ્યો હોવાનો ગંભીર આરોપ તેમણે લગાવ્યો છે. તેમના મતે, ચૂંટણી સમયે ખેડૂતોને પાયાના મુદ્દાઓથી ભટકાવીને માત્ર રાજકીય લાભ ખાટવાનો પ્રયાસ કરવામાં આવે છે.
MLA Gopal Italia પર સાધ્યુ નિશાન
આગાહીકાર પરેશભાઈ ગોસ્વામીએ ખાસ કરીને ધારાસભ્ય ગોપાલભાઈ ઈટાલિયા પર નિશાન સાધતા કહ્યું કે, તેમણે ખેડૂતોનો એક પણ મહત્વનો પ્રશ્ન ઉઠાવ્યો નથી. વિધાનસભામાં (Legislative Assembly) પણ જ્યારે ખેડૂતોના હિતની વાત આવી ત્યારે પક્ષના નેતાઓ મૌન (Silent) રહ્યા હતા. વિસાવદરના ખેડૂતો હાલમાં પારાવાર મુશ્કેલીઓનો સામે કરી રહ્યા છે, પરંતુ પક્ષનું નેતૃત્વ તેમની મદદ કરવાને બદલે માત્ર રાજકીય રોટલા શેકવાનું (Political Opportunism) કામ કરી રહ્યું છે.
ખાતરની કૃત્રિમ અછત ઊભી કરવાનું આરોપ
પરેશભાઈ ગોસ્વામીએ એક ચોંકાવનારો ખુલાસો કરતા જણાવ્યું કે, પક્ષ દ્વારા ખાતરની કૃત્રિમ અછત ઉભી કરવામાં આવી હતી. પક્ષના કાર્યકરોને જાણીજોઈને લાઈનમાં ઉભા રાખીને એવી છાપ ઉભી કરવામાં આવી કે ખાતરની ભારે અછત છે. આ પ્રકારની નકારાત્મક રણનીતિ (Negative Strategy) દ્વારા ખેડૂતોમાં અસંતોષ ફેલાવીને સત્તાધારી પક્ષ વિરુદ્ધ માહોલ બનાવવાનો આ ગંદો ખેલ હોવાનો તેમણે દાવો કર્યો છે.
પક્ષની કામગીરી પર પ્રહારો
અરવિંદ કેજરીવાલ પર સીધા આક્ષેપો કરતા તેમણે કહ્યું કે, આમ આદમી પાર્ટીની કાર્યશૈલી ખેડૂતો માટે નુકસાનકારક છે.આમ આદમી પાર્ટીનું કામ માત્ર રાજકીય રોટલા શેકવાનું છે. તેમણે સ્પષ્ટ કર્યું કે તેઓ હવે ખેડૂતોના સાચા પ્રશ્નો માટે લડશે અને આવી દંભી રાજનીતિનો (Hypocritical Politics) ભાગ નહીં બને. આ રાજીનામાથી સૌરાષ્ટ્રના રાજકારણમાં મોટા ઉથલપાથલના સંકેતો મળી રહ્યા છે.