Kaun Banse Gujarat No Genius: રાજકોટના પાર્થ શ્યારાએ 'કોણ બનશે ગુજરાતનો જીનિયસ'નો પ્રથમ પડાવ કર્યો પાર

મિત્રોના માધ્યમથી મળી માહિતી અને કરી કમાલ

ગુજરાત ફર્સ્ટ સાથેની ખાસ વાતચીતમાં પાર્થ શ્યારાએ જણાવ્યું હતું કે તેમને પોતાના મિત્ર સર્કલના માધ્યમથી આ ક્વિઝ કોમ્પિટિશન વિશે માહિતી મળી હતી. આ સ્પર્ધામાં ભાગ લેવા અંગે વાત કરતા તેમણે કહ્યું કે આવા પ્લેટફોર્મ પર રમવાથી અનેક પ્રકારની નવી બાબતો જાણવા મળે છે, જેનાથી વ્યક્તિના જ્ઞાનમાં મોટો વધારો થાય છે. પ્રથમ રાઉન્ડ ઉત્તીર્ણ થતાં તેમના પરિવાર અને મિત્ર વર્તુળમાં હર્ષની લાગણી છવાઈ ગઈ છે, સાથે જ તેમણે આ સુંદર આયોજન બદલ 'ગુજરાત ફર્સ્ટ' ન્યૂઝ ચેનલનો હાર્દિક આભાર માન્યો હતો.

GPSCની તૈયારી સાથે જિલ્લા રજિસ્ટ્રાર ઓફિસમાં બજાવે છે ફરજ

મૂળ રાજકોટના રહેવાસી પાર્થ શ્યારા માત્ર એક સ્પર્ધક જ નથી, પરંતુ તેમની મહેનત અને લગન પ્રશંસનીય છે. પાર્થ હાલ સ્પર્ધાત્મક પરીક્ષાઓ ખાસ કરીને GPSC (ગુજરાત જાહેર સેવા આયોગ)ની સઘન તૈયારી કરી રહ્યા છે. આ તૈયારીઓની સાથે-સાથે તેઓ સરકારી સેવામાં પણ યોગદાન આપી રહ્યા છે અને હાલ જિલ્લા રજિસ્ટ્રાર ઓફિસમાં પોતાની ફરજ બજાવી રહ્યા છે. પોતાની નોકરીની વ્યસ્તતા વચ્ચે પણ જ્ઞાન અને અભ્યાસ સાથેનો તેમનો નાતો અકબંધ રહ્યો છે, જેનું પરિણામ આ કોમ્પિટિશનની સફળતામાં સ્પષ્ટ દેખાઈ આવે છે. 'ગુજરાતનો જીનિયસ' બનવાના આ મહાસંગ્રામમાં પાર્થ હવે આગામી રાઉન્ડમાં વધુ જોશ સાથે મેદાનમાં ઉતરશે.

આ પણ વાંચો: Kon Banse Gujarat No Genius: Rajkot ના Parth Maheta એ પ્રથમ રાઉન્ડમાં સફળતા મેળવી