Rajkot: પુજિત વિજયભાઈ રૂપાણી મેમોરિયલ ટ્રસ્ટનો દીક્ષાગ્રહણ સમારોહ યોજાયો, CM ભૂપેન્દ્રભાઈ પટેલ રહ્યા ઉપસ્થિત

પુજિત રૂપાણીના નામે લાંબા સમયથી ચાલી રહ્યું હતું ટ્રસ્ટ

કાર્યક્રમ દરમિયાન જણાવાયું હતું કે પુજિત રૂપાણીના નામે ઘણા સમયથી સામાજિક અને શૈક્ષણિક પ્રવૃત્તિઓ ચાલી રહી હતી. હવે તેને પુજિત વિજયભાઈ રૂપાણી મેમોરિયલ ટ્રસ્ટ તરીકે નવી ઓળખ આપવામાં આવી છે. ટ્રસ્ટનો મુખ્ય હેતુ ગરીબ અને મધ્યમ વર્ગના તેજસ્વી બાળકોને શિક્ષણ ક્ષેત્રે મદદરૂપ થવાનો છે.

તેજસ્વી વિદ્યાર્થીઓ માટે સહાયરૂપ બનશે ટ્રસ્ટ

ટ્રસ્ટ દ્વારા આર્થિક રીતે નબળા અને મધ્યમ વર્ગના પ્રતિભાશાળી વિદ્યાર્થીઓને શૈક્ષણિક સહાય, માર્ગદર્શન, શિષ્યવૃત્તિ અને અભ્યાસ માટે જરૂરી સહયોગ પૂરો પાડવાની યોજના છે. કાર્યક્રમમાં ઉપસ્થિત મહાનુભાવોએ જણાવ્યું કે શિક્ષણ દ્વારા સમાજમાં સમાન તક ઉપલબ્ધ કરાવવાનો આ પ્રયાસ ખૂબ મહત્વનો છે.

મુખ્યમંત્રી દ્વારા વિજય રૂપાણીને શ્રદ્ધાંજલિ

મુખ્યમંત્રી ભૂપેન્દ્રભાઈ પટેલે પોતાના સંબોધનમાં સ્વ. વિજયભાઈ રૂપાણીના જન્મદિવસ નિમિતે તેમને વંદન કર્યું હતું. તેમણે જણાવ્યું કે વિજયભાઈનું સમગ્ર જીવન અત્યંત સાદગીપૂર્ણ હતું અને તેઓ દરેક કાર્યકર્તા પ્રત્યે આત્મીયતાનો ભાવ રાખતા હતા. મુખ્યમંત્રીએ વધુમાં જણાવ્યું કે વિજયભાઈ રૂપાણી ગરીબ, વંચિત અને જરૂરિયાતમંદ લોકો માટે હંમેશા પ્રેરણારૂપ રહ્યા હતા. જાહેર જીવનમાં તેમની નિષ્ઠા, સરળતા અને સેવાભાવ કાર્યકર્તાઓ માટે આજે પણ માર્ગદર્શક સમાન છે.

 

View this post on Instagram

 

A post shared by Gujarat First (@gujaratfirst)

શિક્ષણ અને સેવાભાવને સમર્પિત પહેલ

પૂજિત વિજય રૂપાણી મેમોરિયલ ટ્રસ્ટનો દીક્ષાગ્રહણ સમારોહ માત્ર એક ઔપચારિક કાર્યક્રમ ન રહી, પરંતુ શિક્ષણ અને સામાજિક સેવા માટેના મહત્વપૂર્ણ સંકલ્પ તરીકે સામે આવ્યો છે. ટ્રસ્ટ દ્વારા ગરીબ અને મધ્યમ વર્ગના પ્રતિભાશાળી બાળકોને આગળ વધારવા માટે સતત કાર્ય કરવામાં આવશે તેવી માહિતી પણ આપવામાં આવી હતી.

આ પણ વાંચોઃ વરસાદને લઈ હવામાન નિષ્ણાત Ambalal Patel ની મોટી આગાહી, જાણો 15 ઓગસ્ટે કેવો રહેશે માહોલ?