Rajkot ની ગોંડલ ચોકડી પાસે રિક્ષાચાલક પાસેથી 50 રૂપિયા લેવા પોલીસ કોન્સ્ટેબલને પડ્યા ભારે
- Rajkot સેશન્સ કોર્ટનો મહત્વનો ચુકાદો
- કોન્સ્ટેબલ બિપિન મકાવના અને વચેટિયા દીપક પરમારને કોર્ટે સજા સંભળાવી
- રિક્ષા ચાલક પાસે 50 રૂપિયાની લાંચ લેવામાં આવી હતી
- ભ્રષ્ટાચારીઓ માટે લાલબત્તી સમાન ચુકાદો
- કોર્ટનો આ એક ઐતિહાસિક અને દાખલારૂપ ચુકાદો
Rajkot : રાજકોટ સેશન્સ કોર્ટે (sessions court) એક મહત્વપૂર્ણ ચુકાદો આપ્યો છે. રાજકોટની ગોંડલ ચોકડી પર 8 વર્ષ અગાઉ એક એસીબી (acb) ટ્રેપ થઈ હતી અને ટ્રાફિકમેન અને વચેટિયો રૂ.50ની લાંચ લેતા ઝડપાયો હતો. ત્યારે આ કેસમાં કોર્ટે મંગળવાર (05 મે 2026) એક મહત્વપૂર્ણ ચુકાદો આપતા બન્ને 5 લાખનો દંડ અને સજા ફટકારી છે.
ગોંડલમાં લીધી હતી લાંચ
ગોંડલ ચોકડી ઉપર 8 વર્ષ પુર્વે વાહન ચાલકો પાસેથી ઉધરાણા ચાલતા હોવાની ફરીયાદો ઉઠતા એસીબીએ છટકુ ગોઠવી રૂ.50ની લાંચ લેતા ટ્રાફીકમેન અને વચેટીયાની ધરપકડ કરી હતી જે કેસમાં કોર્ટે પોલીસમેન અને વચેટીયાને 5 લાખ રૂપિયાનો દંડ ફટકાર્યો છે જેમાં પોલીસમેનને 10 વર્ષની સજા અને વચેટિયાને 7 વર્ષની સજા ફટકારવામાં આવી છે. ઉલ્લેખનીય છે કે, જો બન્ને આરોપીઓ દંડ ના ભરે તો વધુ એક વર્ષની સજા કરવાનો કોર્ટે હુકમ કર્યો છે.
Rajkot સરકારી વકીલ દ્વારા એ કેસમાં દલીલ કરવામાં આવી હતી
ગોડલ ચોકડી ઉપર પોલીસ દ્રારા વાહન ચાલકો પાસેથી ઉધરાણા ચાલતા હોવાની ફરીયાદના આધારે 4 માર્ચ 2018ના રોજ એસીબી દ્વારા રાજકોટના ગોંડલ રોડ પર હોટલ ક્રિષ્ણા પાસે 'ટ્રેપ ગોઠવવામાં આવી હતી. દરમિયાન ટ્રાફીક પોલીસમેન બિપિનભાઈ લવજીભાઈ મકવાણા અને દિપકભાઈ કાંતિભાઈ પરમાર (ખાનગી વ્યક્તિ) મારફતે લાંચની માંગણી કરી હતી. આરોપીઓએ માલવાહક રિક્ષાના ચાલક પાસેથી ગેરકાયદેસર રીતે રૂ.50ની લાંચ માંગી હતી અને ઝડપાઈ ગયા હતા. આ કેસ ચાલવામાં આવતા સરકારી વકીલ દ્વારા દલીલો કરવામાં આવી હતી જેમા કોર્ટે ટ્રાફીક પોલીસમેન બીપીન મકવાણા અને વચેટીયા દિપક પરમારને સાત વર્ષની કેદની સજા સંભળાઈ છે.
આ પણ વાંચો : Rajkot Gondal Chowkdi ગમખ્વાર અકસ્માત, સ્કોર્પિયો અને ઈકો વચ્ચેની ટક્કરમાં 2ના મોત